櫻花，係日本春天嘅象徵。講到櫻花，眾所周知晚嘅東京上野公園、京都清水寺以及二條城……等係知名嘅賞櫻景點，但其實喺兵庫縣神戶亦有許多地方可以賞櫻。以下將會介紹三個值得去朝聖嘅賞櫻景點，即刻去睇睇神戶嘅櫻花祭以及夜間點燈嘅魅力喇！
一年只有三日！神戶市立王子動物園「穿越夜櫻」點燈活動
「神戶市立王子動物園」位於兵庫縣神戶市灘區嘅王子公園內，離車站近而且交通方便，園內飼養著約130種、800隻動物。1951年開園以來，只要是係住喺關西嘅人，喺學生時代郊遊或者約會時，可以話係必去景點。園區內種植咗約480棵櫻花樹，以賞櫻景點而聞名，係呢度可以將大笨象或者係長頸鹿……等動物們與美麗櫻花框在同一鏡頭下齊齊入鏡，絕對係不可錯過嘅熱門打卡景點。
櫻花盛開嘅3月下旬至4月上旬嘅其中三日，園區內會打上唯美燈光，舉辦「穿越夜櫻（夜桜通り抜け）」嘅活動。你可以喺長約350公尺嘅特設觀賞通道上免費欣賞夜櫻（點燈期間恕無法同時觀賞動物）。從異人館遷移過嚟、現存神戶異人館中規模最大之一嘅「舊亨特住宅（旧ハンター住宅）」，於活動期間亦將會用燈光點綴得亮麗繽紛，場景如夢如幻！
神戶市立王子動物園
- 地址：兵庫県神戸市灘区王子町3-1
- 交通方式：由阪急「王子公園」站向西步行約3分鐘，或由JR「灘」站向北步行約5分鐘。
- 入園費：600日圓
- 備註：「穿越夜櫻」活動雖為免費，敬請踴躍配合櫻花募捐活動100日圓／人。
於有馬溫泉中心地帶盛開「有馬川沿岸櫻花」
「有馬溫泉」係日本三古湯之一，位於兵庫縣神戶市，可以由神戶輕輕鬆鬆前往抵達，即日來回都無問題。有馬溫泉深受太閣豐臣秀吉與他妻子寧寧所喜愛，時至今日亦廣受海外遊客歡迎。但係你又知唔知，其實有馬溫泉都係春天賞櫻嘅聖地之一啊！
有馬溫泉嘅賞櫻地點，以流淌市街中心的有馬川為中心，川邊種植了染井吉野櫻。其中特別推薦嘅賞櫻景點係「善福寺」。善福寺裡面種有4棵樹齡約有200年以上嘅枝垂櫻大樹，櫻花盛開時，垂下嘅樹枝如拉著線似的，美麗到讓人讚嘆不已。櫻花開花期間，善福寺嘅枝垂櫻與有馬川沿岸嘅櫻花並木都會齊齊點燈，可以欣賞到燦爛嘅夜櫻。睇完夜櫻再嘆個著溫泉，好幸福啊！
另外，櫻花盛開嘅4月上旬星期日，喺有馬川親水公園附近亦會舉辦「有馬溫泉櫻花祭（有馬温泉さくらまつり）」，可以觀賞到和太鼓演出以及有馬藝妓嘅傳統舞蹈表演。
有馬溫泉
- 地址：兵庫県神戸市北区有馬町
- 交通方式：神戶電鐵有馬線「有馬溫泉」站落車步行5分鐘。
神戶市灘區高尾通兩旁盛開嘅「櫻花隧道」
「高尾通（高尾通り）」位於神戶市灘區，南北總長約400公尺。路邊兩旁種植了櫻花樹，春天時節形成一個美麗萬分嘅櫻花隧道，遊客絡繹不絕。「櫻花隧道」亦成為高尾通嘅代名詞，受到大家嘅喜愛。此地嘅櫻花樹於1920年代「摩耶纜車」通車時種植，粉嫩嘅櫻花喺緩急嘅坡道上形成壯麗嘅拱型隧道景觀。櫻花盛開時，有唔少人會開住車慢慢駛過，從車窗欣賞櫻花美景。
高尾通櫻花隧道
- 地址：兵庫県神戸市灘区国玉通4丁目1-16（桜のトンネル南）
- 交通方式：由阪急「王子公園」站步行約15～20分鐘。亦可搭神戶市巴士18系統至「摩耶纜車下」巴士站落車後步行6分鐘。
Comments