大家好～我係喺日本居住已經超過20年，身兼FUN! JAPAN小編與主婦嘅REI。自從嚟到日本後，生活中每天都能夠接觸到各式各樣嘅日本製商品。身為一名職場女性，我對呢啲高品質又耐用嘅日本商品都非常感興趣，而手袋當然亦係喺我研究（與敗家）清單之上啦！
今次要為大家介紹嘅，係用和紙製作而成嘅手袋！佢嘅簡約設計無論係正式或休閒場合都能夠派上用場，而且除咗外觀時尚之外，令我驚訝嘅係它居然非常耐用強韌！從紙感外表，實在係難以想像吧？難怪一眾日本穿搭達人都對佢有超高評價！接落嚟，我就要為大家介紹呢款手袋系列嘅特色～
「包」不可以貌相！質感意外地超順滑、超飄柔！
雖然話係和紙，不過手袋嘅材質都唔完全算係和紙本身，而係採用一種叫做「NAORON」嘅素材。「NAORON」係一款由山梨縣生產．販售和紙嘅公司開發而成嘅嶄新材質。結合咗傳統與最新技術嘅材質適用於製作家居擺設或雜貨，特徵係保持和紙獨有風味嘅同時，亦兼具唔容易爛、耐水力強、輕巧輕量等多重優點。獨特風味高品質加上極具高級感嘅外觀，我只可以講「Shut Up and Take My Money!!!」
咪睇小呢個Tote Bag！就算放成10kg行李都一樣OK！
身為職業主婦與上班族，我特別重視手袋嘅收納能力，而且最好仲要夠強韌。呢款和紙tote bag就能夠裝到5枝2公升膠樽，連2包5公斤白米都綽綽有餘，超大容量先過關！平常上班嘅日子需要帶上手提電腦、相機、手機、文件資料等一堆家當移動，就算通通放入去都完全OK，所以我而家幾本上每日都會帶著佢出門，因為實在係太好用太方便喇～如果係想要搭配穿搭嘅貪靚一族，tote bag亦有黑色、赤褐色與灰色3種顏色選擇，要每日著到靚一靚出門一樣無難度～
原來品牌主理人都係位剛柔並重嘅職業女性！
我第一次認識SIWA嘅袋款，係喺某家販售時尚小物嘅店舖內。最初只係單純覺得呢個包款幾得意，後來返到屋企家搜尋更多有關呢個品牌嘅資訊後，馬上就被成立SIWA品牌嘅女性主理人所講嘅一番說話給吸引。聽到「和紙」大家可能都會首先聯想到和風商品，因此主理人就想要將和紙製品融入更多人嘅日常生活中，希望透過品牌讓大眾了解和紙嘅美好，最終喺經歷無數次失敗與反複嘗試後，品牌先得以成功誕生。聽到呢段堅強不屈、奮鬥不息嘅故事後，我覺得非常有共鳴。或者SIWA一系列袋款嘅堅韌耐久性，某程度上亦係到反映梗品牌背後呢位職業女性嘅剛柔並重性格吧。
FUN! JAPAN SELECT SHOP現正販售各種SIWA品牌嘅手袋與小物系列。快啲趁呢個機會選購啦！
Comments