紅茶品牌「Lipton」首次與Sanrio人氣角色「Hello Kitty」合作，推出限定設計「黃牌精選紅茶Hello Kitty款」。新產品由10月下旬開始，率先於部分Sanrio官方商店出售，而日本全國超市等零售店從12月開始亦會陸續上架！各路Hello Kitty粉絲，快啲同小編一齊用念力祈求香港快啲引進呢款特別包裝黃牌精選紅茶啦！
11月1日係「紅茶之日」亦係「Hello Kitty」生日
130年來一直深受大眾喜愛嘅Lipton「黃牌精選紅茶」今次換上全新包裝，於經典黃色背景之上特別加入戴著茶杯帽嘅Hello Kitty與好友Teddy一齊享受下午茶時光嘅圖案，以及於背景掛上有如慶祝生日嘅佈置旗幟。除此之外，每個茶包嘅茶標亦會換上特別設計原創圖案，超級講究！由於11月1日「紅茶之日」同時亦係Hello Kitty生日，所以品牌就趁呢日特別推出今次限定設計嘅「黃牌精選紅茶Hello Kitty款」～
「黃牌精選紅茶Hello Kitty款」分為25包與50包裝，定價為300日圓與500日圓（未含稅）。每日一杯醇香紅茶，又可以望著可愛Hello Kitty，您嘅下午茶時光一定會過得更精彩！
Comments