由獲列入為世界文化遺產嘅「日本最高山峰」富士山開始數起，靜岡縣坐擁「日本最長吊橋」三島SKYWALK、「日本最多漁穫嘅湖泊」濱名湖等多籮籮觀光景點，只不過其實靜岡縣嘅「美食」都係不容錯過！作為「美食之都」，靜岡縣擁有87項「日本第一」紀錄，另一方面作為「茶之都」亦有15項「日本第一」獲官方認證，所以淨係旅行的話你就走寶喇！有見及此，本文就會為大家從「食」及「茶」兩方面入手，一邊為大家介紹靜岡縣嘅「日本第一」，一邊分享當中極具代表性嘅商品！
「美食之都」靜岡縣必食名産推介
俗語有云「民以食為天」，由靜岡縣大自然孕育而成嘅食材，就算係「嘴刁」嘅香港人都保證一定食得滿足！拜「日本最高山峰」富士山、「日本最深海灣」駿河灣等多元化風土地形所賜，縣內出產多款優質農林水產，當中更有唔少係喺「農林水產大臣賞」中獲獎次數經常名列前茅嘅實力分子！以下大家曾經見過、食過嘅食材，話唔定都係靜岡縣引以為傲嘅「日本第一」呢！
鰹魚：「出貨額日本第一」、「漁穫量日本第一」
據官方數字統計，平成30年（2018年）靜岡縣鰹魚（又稱「柴魚」，「柴魚片」亦意指以風乾鰹魚後製成嘅「鰹節」鰹魚乾）漁穫量佔日本全國約33%，當中位於靜岡縣中部嘅燒津港更作為全日本「鰹魚（冷凍）」最多漁穫量嘅漁港。出產量多，順帶加工品選擇都一樣豐富，例如鰹魚咖哩、鰹魚高湯、鰹魚調味料等一一任君選擇！
- 高湯豉油 | 食べるだし醤油
以精選國產大豆與國產白米製成豉油發酵液並加入鰹魚乾。鹽分僅為約6％，比一般豉油少一半以上！ - 鰹魚乾高湯豉油之素 | 鰹節だし醤油の素
取出內裡嘅脱氧劑，再將每個家庭都必備嘅豉油倒入樽內，鰹魚高湯豉油就馬上大功告成！ - 鰹魚咖哩（辣味） | 鰹つなカレー（辛口）
以鰹魚魚肉代替家畜．家禽肉類嘅健康咖哩。鰹魚魚肉鮮味滿佈口腔，配白飯一流！ - 高湯茶包（鰹魚・羅臼昆布） | 飲むだしティーバッグ（鰹・羅臼昆布）
由芳醇鰹魚高湯與濃郁昆布高湯雙劍合璧，打造極致味覺享受。
同場加映：靜岡縣仲有多種地道特產漁穫㗎！
由於靜岡縣位置近海，所以除咗鰹魚以外仲會出產多款人氣漁穫！鍾意食海鮮嘅您，吞拿魚以及金目鯛都係絕對不容錯過嘅著名食材♪
- 金目鯛雜炊飯飯素 | 金目鯛炊き込みご飯の素
使用靜岡縣下田市出產金目鯛製成嘅雜炊飯飯素。將洗好嘅白米、本產品與清水一齊煲飯，就可以輕鬆食到原汁原味「金目鯛雜炊飯」！ - 吞拿魚咖哩（中辣） | 鮪つなカレー（中辛）
以吞拿魚魚肉代替家畜．家禽肉類嘅健康咖哩。將原封包裝放入熱水煮煲5分鐘就OK！推薦淋上白飯食用～ - 金目鯛煙燻魚骨 | 金目鯛スモークボーン
有別於大家一般對魚骨「硬身」嘅印象，煙燻魚骨質地軟身，適合用作伴酒小食。
Wasabi：「出貨額日本第一」、「種植面積日本第一」
香港迴轉壽司店林立，就算話「香港人食wasabi大」都一啲唔誇張！唔講唔知，日本國內嘅wasabi種植發源地，據聞其實就係靜岡市葵區嘅山間一帶，同一地區亦因「靜岡水山葵傳統栽培」而被認證為世界農業遺產𠻹！
- Wasabi湯包粉/日式Wasabi白高湯 | わさび屋のわさびスープ/わさびと白だし
和風wasabi粉末湯包。適合加入湯底調味，又或煮雞蛋料理時使用，各適其適！ - Wasabi焦香豉油 | わさび焦がし醤油
豉油風味調味鹽由粉末狀豉油加入昆布粉末、鹽、靜岡縣伊豆市天城出產嘅wasabi而製成。適用於任何料理，堪稱萬能調味料！ - 伊豆須崎產涼粉 Wasabi口味 | 伊豆須崎産ところてん わさびドレッシング
伊豆半島地區出產嘅天草（紅藻類海藻）品質･數量皆屬日本第一。傳統製法日式涼粉由採集得來嘅天草以開放式鐵鍋慢煮超過6小時而成，推薦伴以包裝內嘅wasabi醬一同進食。
提起「日本茶」 就不得不提「茶之都」—靜岡縣！
靜岡縣同時亦係佔日本全國茶葉收割量約40％嘅日本第一大茶葉產地，連帶種茶面積亦係日本第一！縣內總共有超過20處茶田，由經典抹茶至近年人氣急升中嘅焙茶都應有盡有，保證您一定可以搵到心水茶款！
- 薏仁米茶（熬茶） | はとむぎ茶（煮出しタイプ）
將農場收割薏仁米經焙煎・攪碎後封裝成茶包。加入適量牛奶，即可沖出濃郁奶茶！ - 濾掛式焙茶（1煎×5包） | ２、 ドリップほうじ茶 1煎
選用「第一摘」焙茶茶葉製成。獨立包裝濾掛式茶包，放定幾包喺office就fit晒♪ - MATCHA 抹茶 40g
京都宇治產抹茶。包裝係化身成大廚嘅喵星人，勁得意💖 - 有機抹茶粉末（罐裝） | オーガニック抹茶粉末（缶入り）
日本有機栽培認證食品(有機JAS)之一。將適量水、牛奶、砂糖攪勻，抹茶即大功告成！
香港今期至hit話題：「靜岡縣直送」商品！
以上介紹過幾種靜岡縣嘅「日本第一」，唔知道本身已經聽過嘅讀者又有幾多呢？「上次去日本旅行時錯過咗食𠻹！」—如果您正喺螢光幕前後悔梗，今日FUN! JAPAN就要為您帶嚟一個喜訊！包括直至喺香港自動販賣機出售嘅部分商品在內，10月開始靜岡縣將進一步擴充商品數量，以升級第二彈活動再同大家見面！SUGOKAN「蜜柑」、SUGOKAN「蕃茄」、芋頭乾、太田牌醬汁、紅富貴啫喱、沼津高湯柚子醋、蕃茄醬、燒肉醬等靜岡縣特產將全新加盟商品名單，並於下列地方期間限定登場，各位記得千祈唔好錯過由靜岡縣直送到港嘅美食喇～
銷售期間：2020年10月15日～2021年1月31日
銷售地點：
1. 堅尼地城薄扶林道89號 寶翠園（共3部）
2. 九龍紅磡漆咸道北388號 昇御門
3. 香港大嶼山東涌海濱路8號 海堤灣畔 G/F（共2部）
4. 尖沙咀廣東道33號 中港城 2/F
5. 長沙灣荔枝角道833號 昇悅居 住客會所內
6. 北角丹拿道18號 丹拿花園（共2部）
7. 馬灣珀麗路8號珀麗灣 珀麗灣服務處
sponsored by 日本產地直送有限公司
Comments