大家仲記得早排曾經掀起過一陣搶購熱潮嘅OMOSHIROI BLOCK memo紙嗎？驟眼睇平平無奇嘅memo紙，其實內有乾坤！最神奇嘅地方，就在於用到最後時會呈現嘅靚靚美態，令一眾文具迷大叫shut up and take my money！顛覆一般平撕方式，一張張線條不一樣嘅撕紋以及色彩變化，令memo紙成為立體精緻紙雕，超有裝飾與紀念價值！而系列今次新推出嘅主角，更係好多人都相當熟悉嘅場景—《哈利波特》中嘅「霍格華茲城堡」！
《哈利波特》迷必買！
咪睇呢款「Harry Potter-OMOSHIROI BLOCK（霍格華茲城堡）」只係一曡厚43mm、共150張嘅「藍、金」配色memo紙。隨著memo紙愈撕愈多張，霍格華茲城堡塔頂就會慢慢露出，最後就會見到成座紙雕城堡！
仔細一睇，屋頂、窗戶、城門通道等都製作得十分精緻，更利用唔同顏色漸層打造出城堡被群山環繞嘅景象。Memo用完後，仲可以當成室內裝飾，無論放喺書房定係辦公室都勁療癒！
而且產品仲會附上一款收藏專用塑膠蓋，當用完memo紙後就可以永久收藏，令memo紙唔只局限於單純文具用品，而係更具有裝飾與紀念價值嘅藝術作品。
各位《哈利波特》迷係咪都覺得勁吸引呢？目前官方定價為 18,000 日圓(不含稅)，限量發售100份。想收藏呢款memo紙除咗要準備充足荷包「彈藥」，仲要有一對夠快嘅摩打手，手快有手慢無♪
WIZARDING WORLD characters, names and related indicia are © & ™ Warner Bros. Entertainment Inc. Publishing Rights © JKR. (s20)
Comments