【新品速遞】迪士尼朋友搶閘迎接2021年！全新年曆記事簿即日上市

話咁快2020年已經過咗大半年，差唔多又係時候為新一年做準備！要迎接2021年來臨，率先入手日曆與記事簿都不失為一個好辦法，例如8月11日起已於日本全國Disney Store（迪士尼商店）以及官方網站shopDisney上架嘅一系列新品，就係最佳首選！

睇得又實用！年曆、枱曆總有一款啱您

2021年系列同大家見面嘅，一共有枱曆、掛牆月曆與枱曆記事簿共3種款式。當您翻開枱曆，一眾熟悉卡通人物隨即就會好似立體書般彈出，每月都有驚喜！枱曆記事簿，則係一物二用設計，放喺辦公室/屋企mark低重要日子亦得，隨身攜帶出街當記事簿用亦得；而每年都會推出嘅掛牆年曆，今年亦唔例外會換上全新設計，由一眾角色陪大家過新年！

可愛到唔捨得用！人氣角色行事曆

另一方面，行事曆系列除包括（米奇老鼠與朋友們）、（大鼻與鋼牙）、<愛麗斯夢遊仙境3款經典設計以外，為紀念電影上映25周年，（彼思角色）款式仲特別收錄咗1995年至2019年期間嘅Pixar（彼思動畫製作室）登場角色，當係回顧歷年作品嘅收藏圖鑑亦相當推薦！

少女心大爆發！「Rollbahn」橡筋綁帶記事簿

靚靚產品一浪接一浪！今次迪士尼仲會聯同文具品牌「DELFONICS」共同企劃、同期推出「Rollbahn」橡筋綁帶記事簿系列。記事簿內有年曆、行事曆等機能性小設計，頁面之間仲會有或登場，既有內在美亦有外在美！