動物立體拼圖又嚟啦！！大家仲記得早前介紹完嘅黑豬、和牛、松葉蟹、吞拿魚的「成隻買！！特選拼圖」精選系列嗎?日本玩具大廠萬代(Bandai)旗下子公司MegaHouse又推出新商品啦~今次要解剖嘅動物主角係危險又好味嘅「虎河豚」!
部位有毒？無毒？顏色區分一眼睇晒!
俗稱雞泡魚嘅河豚，所含嘅強大毒性經過特殊處理後，就可以安心食用。但你又知唔知河豚究竟邊個部位有毒？邊個部位係可以食用？今次推出嘅立體動物拼圖「成條買！！虎河豚解剖拼圖」(一尾買い！！トラフグ解体パズル)，一共有34個部位，由皮、肝臟等每個部位都有印著部位名稱，除咗可以學習到各個部位嘅所屬位置之外，亦係一個學習日文嘅好機會啊。
當中，有23個部位係可以食用、而含有劇毒嘅部位有11個；除咗用顏色作出區別之外，仲有標記著骷顱骨頭公仔，相當一目了然。
魚生擺盤、河豚料理師證書通通有齊!
呢款商品其中一個特別嘅地方，就係可以自己親手嘗試「河豚魚生擺盤」嘅滋味啊。由可食用嘅身體部位，竟然可以再切出一片片嘅魚生，做工非常精巧！另外，為咗證明你有認真學(玩)習(樂)，仲有特別頒發「河豚料理師證書」。將證書與解剖魚連魚刀擺上展示架，你都可以同朋友炫耀「關於河豚嘅嘢，問我就啱啦」！
商品資訊
商品名：「成條買！！虎河豚解剖拼圖」(一尾買い！！トラフグ解体パズル)
發售日：2020年5月中旬
Comments