超得意! 固力果「史上最細粒」嘅「一口布甸」即將出爐~

令人想一口接一口!「一口Pucchin 布甸」(ひとくちサイズのプッチンプリン)

固力果的「Pucchin 布甸」（プッチンプリン）自1972年發售至今一直人氣非常,更曾於2013年時被記錄為健力士「全世界銷量最高嘅布甸」！最近有新搞作,於2020年4月6日會推出一款「史上最細粒」嘅「一口Pucchin 布甸」(ひとくちサイズのプッチンプリン)!當中「香滑的口感」+「一啖入口」的超迷你Size令人想一口接一口。

唔洗放雪櫃只需常溫保存,賞味期限有181日,無論係當飯後小甜品,定隨身攜帶都方便又吸引!而且只需輕輕一按容器底部, 就可以將一口布甸吱出嚟放入口,簡單到單手就可以食到!重點係細細粒,食咗都無咁大罪惡感啦(笑) 。另外,有【吉士味】同【牛奶朱古力味】兩款口味可供選擇。

【吉士味】VS【牛奶朱古力味】

【吉士味】(Custard)：

吉士布甸味香濃,再加上焦糖漿，配合滑溜口感，細細粒又易入口,令人停不了口。

【牛奶朱古力味】：

加入了可可,再配搭著焦糖漿的「一口Pucchin 布甸 牛奶朱古力味」(ひとくちサイズのプッチンプリンミルクショコラ ) ,除了「Pucchin 布甸」(プッチンプリン)的原有好味道,仲多咗一層香濃的朱古力口感。

商品資訊概要
「一口Pucchin 布甸」(ひとくちサイズのプッチンプリン)
商品内容量：120g（6個裝）
商品特徴：可常温保存、賞味期限181日
發售日：2020年4月6日