可愛「鼠」！日本《哈姆太郎》一番賞超萌亮相♡

「聽日一定會更加開心!」繼睡衣、眼罩之後，日本再度推出以《哈姆太郎》為主角嘅新週邊啦！今次可愛嘅倉鼠們變成了公仔、玻璃杯、手巾同掛飾等一番賞獎項，除咗主角哈姆太郎之外，大將、絲絲等經典角色都有一齊登場，粉絲們準備好試手氣將佢地帶返屋企啦～

造型絨毛公仔

A、B、C賞分別是哈姆太郎、絲絲、笠笠造型絨毛公仔，肥到無頸嘅造型超療癒。（抽到就可以扮自己係呢啲倉鼠仔嘅主人XD）公仔高約15厘米，捧喺掌上嘅模樣真係超級可愛！

D賞（上圖）係玻璃杯，杯身分別印有倉鼠們嘅大集照、哈姆太郎、虎妹＆絲絲、肴肴等圖案，共有四種款式可選；E賞（下圖）就係繽紛可愛嘅手巾仔，都係有四種款式。

F賞係《哈姆太郎》嘅經典角色掛飾，哈姆太郎、大將、絲絲、樂樂、熊貓仔、矇矇、笠笠、小丸、咚咚、肴肴、阿竹、維維、虎妹＆虎哥等16位倉鼠仔全部都登場，大家認唔認得哂邊隻打邊隻？（笑）小編覺得雖然F賞係最細獎，但造型相當經典，抽到都唔會後悔啊！

最後揭曉「最終賞」。最終賞都人係哈姆太郎絨毛公仔，雖然就咁睇好似同A賞一樣，但仔細觀察就會發現呢隻哈姆太郎俏皮咁吐舌啊！今次一番賞已經開始喺日本Lawson便利店、MINISTOP等登場，每抽一次承惠650日圓，粉絲們如果咁啱去日本，可以去試試手神啊！

Source: bpnavi