北海道地大物博，擁有得天獨厚嘅地理環境，孕育出豐富自然酪農作物，且四季景色怡人，尤其係雪景更加係浪漫到不行、就算去幾多次都唔夠！今次，小編會帶大家嚟一趟北海道深度遊，一篇文章教您搞掂十勝必食＋必睇＋必玩景點行程！準備好您嘅金睛火眼，將佢哋通通bookmark低啦！
北海道浸溫泉必到「十勝川溫泉」：一嘗世間罕有植物性溫泉「美人之湯」
講起日本溫泉，大家或者多數都會聯想起「火山性溫泉」。被指定為北海道遺產嘅「十勝川溫泉」則係屬於稀有植物性「濕原（Moor）」褐碳溫泉之一。其水熱來源帶有遠古時代所自然生長嘅蘆葦等植物所形成嘅弱鹼性、低刺激性，而含有植物性（Moor）嘅有機物質及天然保濕成分亦會令您浸完後肌膚會變得涌嘟嘟因此被譽為「美人之湯」。除咗美肌，溫泉亦有助舒緩神經痛、肌肉痛、關節痛等功效。據明治時期古書記載, 「十勝川溫泉」亦有「藥之湯」稱譽，您都快啲嚟親身體驗猶如天然化妝水而且超稀有嘅「美人之湯」魔力啦。
交通：
JR札幌站/新千歲機場站⇔JR帶廣站(JR特急超級大空號、JR特急超級十勝號)* 在南千歲站轉乘
羽田機場⇔十勝帶廣機場
詳情請參考十勝川溫泉觀光協會官網：http://www.tokachigawa.net/chinese-t/access/index.html
北海道必食嘅又點只得海鮮：入口即化齒頰留香「十勝和牛」不容錯過!
日本旅遊嘅美食清單裡面總會出現「和牛」。北海道「十勝和牛」入口即融，有著令人戀戀不忘嘅濃郁口感。每一啖都散發著美味到令人感動流涕嘅幸福滋味。「十勝和牛」屬於黑毛和牛，當中嘅美味原由，其實從養殖時就已經開始著手。以優質十勝牧草以及麥蒿作飼養、肉質細嫩柔軟。鍾意和牛嘅您，又點可以錯過如此動人嘅好滋味呢。
踏入夢幻國度：「紅酒城堡」
「十勝」總會令人聯想起當地盛產嘅芝士同牛奶甚至和牛。其實唔單只美食，十勝嘅紅酒亦廣受世界好評。就算滴酒不沾嘅您，位於山岡上嘅「十勝池田葡萄酒城」（池田町ブドウ・ブドウ酒研究所）亦歡迎您到此360度俯瞰整片優美景色。
食完以北海道牛奶製成嘅酒霜淇霖，仲可以嚟一客十勝黑毛和牛感受滋味無窮一番。
當然釀紅酒中不可或缺嘅酒窖同埋戶外葡萄園亦有開放畀公眾參觀啦！
※想要一嚐美酒嘅您，城堡內更設有試飲區，不妨嚟過過口癮吖。
出外旅遊時無論係去到邊個地方，都總想要搜購一下當地特產吧。呢到嘅手信區實在係令人不標大叫「超好行超好買！」
您除咗會見到使用紅酒木塞製成嘅可愛商品外，當地名產或美食亦令人荷包忍不住要嚟個大解放！下個旅程，一於就嚟睇吓呢座歐式風格城堡入面隴藏著啲乜嘢魅力啦。
- 「十勝池田葡萄酒城」（池田町ブドウ・ブドウ酒研究所）
- 開館時間：9:00～17:00
- 費用：入場費全免
- 地址：北海道中川郡池田町字清見８３−３
走進「甜點王國」 ：三大甜點店之一「柳月」
北海道有「甜點王國」美譽，想要將美食帶返屋企跟其他人分享嘅話，北海道三大甜品之一嘅「柳月」絕對不容錯過。「柳月」必買手信之一，莫過於曾獲「國際優質食品組織」（Monde Selection）最高榮譽金獎──以黑白朱古力來展現白樺樹木紋嘅年輪蛋糕「三方六」。
「柳月」店舖唔只一家，而小編向大家推薦附設工場嘅「柳月Sweetpia Garden店」（柳月スイートピア・ガーデン店）。裡面除咗可以食到您想食嘅甜品，買您想買嘅紀念品，仲可以參觀製作過程以名參加體驗工房嚟個蛋糕製作體驗𠻹。
「柳月Sweetpia Garden店」（柳月スイートピア・ガーデン店）
- 營業時間：
- ●夏季營業時間（2019年4月15日～2019年11月4日）
店舗：9:00～1８:00
cafe：9:00～1７:00
工場參觀：9:00～1６:00 - ●冬季營業時間（2019年11月5日～2020年4月19日）
店舗：9:00～1７:00
cafe：9:00～1６:00
工場參觀：9:00～1６:00 - 地址：北海道河東郡音更町下音更北9線西18-2
好似教堂咁靚！：非一般溫泉設施──「ガーデンスパ十勝川溫泉」
一踏進「ガーデンスパ十勝川温泉」，眼前三角形木造建築、略帶教堂式嘅設計立即叫眼前一亮。難得去到十勝，相信您都一定想要同親朋好友一起去浸有「美人之湯」之稱＋世間罕有嘅十勝溫泉吧？但一諗到要同好友親朋肉帛相見就覺得尷尬？「ガーデンスパ十勝川温泉」（GARDEN SPA十勝川溫泉）絕對係您嘅明智之選。「ガーデンスパ十勝川温泉」館內會提供入浴專用嘅湯浴衣租借服務，除咗可以免卻「坦誠相對」嘅尷尬，仲超級適合一家大細及親朋好友不分男女老幼地一齊享受「美人之湯」溫泉奧秘。對於唔習慣裸身浸溫泉嘅外國人嚟講，係咪非常貼心加分呢。
※室外另外設有全年免費開放足湯，如果啱啱好於雪季到訪，仲可以邊睇雪景邊浸足湯，真係浪漫到不行！
除咗外型誘人，溫泉內涵亦相當吸引。館內唔只係溫泉SPA，呢到仲有附設餐廳，紀念品店及體驗工房等，可以話係一個地方多重享受。
精彩影片👇
Скачать видео
- 「ガーデンスパ十勝川温泉」（GARDEN SPA十勝川溫泉）
- 營業時間： 9:00～21:00（根據不同設施營業時間亦會有所不同）
- 地址：北海道河東郡音更町十勝川温泉北14丁目
- ※體驗工房需事前預約及額外收費
唯獨十勝先有嘅旅程，快啲bookmark低景點啟程啦！
植物性「濕原（Moor）」褐碳溫泉中嘅Moor泉質溫同成份豐富，不但經常會被使用於美容液及面膜等化妝品，仲會被使用於食材料理中。例如以Moor泉水飼養嘅豬肉料理美食，以及加入咗Moor泉水發酵而成嘅遠近馳名十勝芝士「十勝ラクレットチーズ モールウォッシュ」(Tokachi Raclette cheese Moor Wash)等，係咪超吸引先？下趟旅程，一於去十勝溫泉旅館享受「美人溫泉」動人景緻＋感受舌尖鋒味「十勝和牛」＋暢遊夢幻國度「紅酒城堡」＋幸福滿瀉「甜點王國」三大甜點店之一「柳月」；再順便享用以Moor泉水烹製而成嘅美食料理，由內靚到外啦！
想要了解更多,可以參考以下官網
音更町十勝川溫泉觀光協會：http://www.tokachigawa.net/chinese-t/
池田町觀光協會：https://kankou-ikeda.com/
Comments