喺寒冷嘅冬天，等唔切想春天快啲嚟... 不過春天來臨之前，可以先試吓2020年日本Starbucks (星巴克) 全新推出嘅情人節限定飲品「CHOCOLATE with ＿＿＿＿ 」系列，睇吓甜蜜濃郁嘅朱古力，會加上乜嘢擦出激情火花，為情人節增添溫暖。另外，仲有朱古力慕斯咖啡系列，剩係見到都覺得暖。同時亦唔少得推出全新情人節嘅限定商品，鍾意收藏Starbucks杯嘅朋友，要準備好荷包喇。以上限定飲品同商品，全部1月17日（五）起正式發售，喺日本路過Starbucks記得入去睇吓。
今天飲邊杯好呢？ 人人鍾意嘅朱古力，調配出新鮮口味
今次情人節，日本Starbucks推出三款限定飲品，「CHOCOLATE with ＿＿＿＿ 」系列分別有，「CHOCOLATE with杏仁果仁糖星冰樂®」利朱古力配搭焦糖同咖啡風味，打造出豐富層次嘅朱古力飲品，再喺上面加cream冋脆脆嘅杏仁果仁糖，再淋上朱古力醬，鍾意朱古力肯定會超滿足；「CHOCOLATE with 百香果星冰樂®」就喺朱古力飲品度加咗百香果醬，再夾埋朱古力脆片，味道有啲酸酸甜甜，就好似為戀愛忐忑不好嘅味道；「WHITE CHOCOLATE with Latte」就用咗濃郁香淳嘅白朱古力，加上濃縮咖啡、香甜牛奶，交奏出一道暖心嘅飲品。
個人化朱古力慕斯 每日精選咖啡、拿鐵增添唔同風味
鍾意每日飲咖啡、拿鐵嘅人，也可以享受埋情人節限定口味，喺限定期間裡面，日本Starbucks提供咗朱古力慕斯個人化嘅飲品，將濃郁香淳嘅口感同咖啡融為一體，品嘗一下同平日唔同嘅特別味道。
愛心滿滿 粉紅加海軍藍 清爽又甜而不膩嘅限定商品
今年嘅情人節主打粉紅同海軍藍兩色，打造出嚟嘅設計又可愛又特別，清爽同時甜而不膩。另外仲推出了情人節限定嘅Starbucks禮品卡，裡頭有一張粉紅愛心設計嘅Starbucks卡，再加上可以寫情書嘅心意卡。情人節時可以送朱古力連埋呢份小禮物，表達自己心意。
同場加映：東京限定粉紅達摩
另外，如果而家嚟東京嘅話仲有Bonus！因為日本Starbucks推出咗東京限定嘅粉紅達摩系列，非常有福氣嘅不倒翁達摩，加上粉色嘅設計，既有吉利義頭又勁可愛。就連白熊都著上達摩裝，希望大家新一年平平安安，順順利利。
Comments