Ponta熊 X 熊本熊攜手開咖啡廳期間限定營業

Ponta熊同熊本熊，呢兩隻日本無人不知，無所不曉嘅熊，將會喺3月份迎接10歲生日。所以兩隻熊決定攜手合作，推出期間限定嘅咖啡廳「Ponta×KUMAMON café」，限定喺2月21日（五）～2月28日（五）開舖，地點就揀咗方便遊客嘅原宿。

咖啡廳隨處可見熊熊蹤影

呢間期間限定嘅咖啡廳以「Ponta熊同熊本熊一齊暢遊熊本」為設計主題，店內隨處可見兩隻熊暢遊熊本各大景點。咖啡廳採用咗，事前付款訂位制度，由1月17日（五）起開始可以預約訂位。預約仲送「Ponta熊＆熊本熊透明資料夾」嘅特典。

餐廳入面嘅菜式，全部都用熊本當地生產嘅食材，喺呢度可以品嘗到熊本當地嘅美味。例如有「Ponta熊與熊本熊友好三文治拼盤（1,850円）」、「Ponta熊興熊本熊散步Taco Rice（1,600円）」、「Ponta熊與熊本熊開心拼盤（1,850日圓）」，每一道菜睇起嚟都又靚又好食。

食完正餐，點可以少咗甜品呢！有粉色超可愛嘅「我♡Ponta熊＆我♡熊本熊瑞士卷（1,200円）」、「來自草千里嘅問好聖代（1,300円）」。仲有解渴嘅美味果汁唷，如「Ponta笑呵呵柳橙汁（700円）」、「熊本熊非常好飲鮮檸可樂（700円）」。

而粉絲們最關心嘅當然係crossover合作嘅周邊商品啦，咁可愛嘅組合，唔買點對得住自己呢！周邊商品有「PontaX熊本熊化妝包（1,000円）」、「PontaX熊本熊小毛巾（900円）」、「PontaX熊本熊襟章（兩款，各500円）」、「PontaX熊本熊明信片（200円）」唷。

計劃2月份嚟日本嘅朋友，記得下星期要預約定呢間限定咖啡廳，目睹一下兩隻熊嘅人氣魅力吧。