Olaf化身美食！《冰雪奇緣2》限定Cafe，多款限定菜式&商品！

日本迪士尼再出招！為咗年尾會上映嘅《冰雪奇緣2》（FROZEN 2），同OH MY CAFE合作推出限定美食同埋周邊商品！活動亦將會從11月開始，陸續由東京表參道分店開始，至札幌、名古屋、京都、大阪同福岡分店都會推出！

《冰雪奇緣2》限定咖啡廳打卡機會

除咗提供限定食品同埋周邊商品之外，東京表參道分店、二子玉川分店、同埋大阪分店，都會有真人版嘅Elsa同Anna兩姊妹喺店頭同大家影合照！由12月20日開始亦會推出「Olaf in Holiday」嘅主題，鍾意冰雪奇緣嘅朋友仔就千祈唔好錯過喇！

店入面提供嘅菜式，全部都用咗冰雪奇緣入面嘅角色做設計，例如將米飯堆成可愛嘅Olaf，或者ELSA、ANNA套餐等等，連新角色嘅精靈都有喺餐牌上面，既好食又精緻，仲充滿雪國情懷！

飲品除咗有加入檸檬就會變色嘅「魔法ELSA飲品」，同埋「ANNA口味清新莓果茶」之外，仲推出用咗冰雪奇緣海報印喺咖啡奶泡上嘅特飲，真係靚到唔捨得飲！

而喺Olaf in Holiday嘅特別企劃期間，仲會有限定供應嘅餐牌同飲品，係用咗水果沙律等清新健康嘅美食加埋Olaf一齊，就好似食完之後會好似Olaf咁可愛活潑！

只要提前喺網上預約嘢食，就可以獲得限定嘅餐墊，四款隨機送，用咗手繪漫畫風格造型，放喺家居之中相信都會好合襯。

為咗呢次限定活動，OH MY CAFE同迪士尼合作推出咗非常多款嘅限定商品，其中包括枕頭、收納袋、化妝包等，仲有手機殼！既實用又可愛，鍾意冰雪奇緣嘅朋友們點可以唔收藏呢？！

最可愛嘅就要數Olaf系列嘅商品啦！除了有三角形嘅收納袋之外，仲有隨行杯同埋細細嗰束口袋，返工返學都可以隨身攜帶好方便！而且只要購買Olaf系列，就有機會獲得限量嘅卡片！

生活用品類別就有吊飾、票卡夾、磁石、化妝包、束口袋等限定周邊，造型仲有手繪風同埋動畫風格，應有盡有！不過Olaf款式要喺「Olaf in Holiday」活動期間先買得到啊～

除咗生活用品之外，文具亦係唔可以缺少！除咗有筆記本、便條紙、便利貼之外，仲有信封信紙等，而且只要購買滿3000円以上，就有機會獲得超精緻嘅燙金原子筆，咁豐富嘅周邊商品選擇，打算去嘅朋友一直唔可以錯過呢個瘋狂購物機會！

天啊，剩係睇相入面嘅精緻美味嘅嘢食已經想要訂機票去，錯過咗今次嘅話，下次唔知等幾時！鍾意《冰雪奇緣》嘅粉絲們，快啲趕喺電影上畫前衝去吧！