【日本生活知多啲】喺日本生活，平均一個月要使幾多錢？

大家可能成日聽到話日本生活費好高。但係，實際上究竟係乜嘢貴，同埋要花幾多錢，就好似無乜詳細資料…所以FUN! JAPAN編輯部以下就會為大家介紹日本唔同區域嘅平均生活費！

日本生活費一個月大約16至24萬日圓

喺日本，一位單身人士嘅平均生活費一個月大約係16萬日圓，而二人家庭就大概係24萬日圓。（截至2019年8月資料）

呢啲生活費項目包括租金、伙食、水電煤、上網、電話、交際、醫療同娛樂費等。其中，房租、伙食同交通費就佔咗生活費嘅大部份。

日本嘅生活費因應唔同地區而異，跟住落嚟我地會睇吓一啲外國人鍾意住嘅地區嘅生活費。呢到嘅生活費計算，最主要係計咗租金、同埋重要性較高嘅變動成本，例如伙食、水電煤、上網同電話費，以及一啲雜項費用。（截至2019年10月資訊）

東京嘅生活費亦會因應您住邊區而唔同，主要係都心範圍嘅東京23區，同23區以外嘅郊區可以好唔同。當然，實際花費會依據住嘅房屋而唔同，以下表格為東京一個月平均生活費項目。

神戶生活費比東京低。特別係房租同水電煤。就算同其他縣市相比，神戶嘅水電煤費用亦係相對較平。以下表格係神戶一個月嘅平均生活費。

同其他地區相比，長野嘅房租同伙食費都比較便宜。另一方面，長野係一個冬天積雪好多嘅地區，所以冬季嘅水電煤費用比其他地區要高。以下表格係長野縣一個月嘅平均生活費。