岩手縣各溫泉地區介紹及溫泉旅館推介

岩手縣嘅旅館當中，有好多係溫泉旅館。淨偽縣內嘅溫泉區就有超過70間可供住宿嘅設施。呢次為大家介紹位於岩手縣代表性觀光景點嘅旅館同其特徵，以及兩間精選推薦旅館。

岩手縣溫泉地區的介紹

岩手嘅觀光地區可分為6個區域。具體嚟講可以分為：「安比、八幡平及二戶」、「盛岡及雫石」、「久慈及宮古」、「北上、花卷及遠野」、「平泉及一關」，以及「陸中海岸南部」。

喺呢度為大家介紹較受歡迎嘅地區嘅旅館之特徵。

安比、八幡平及二戶地區位於岩手縣北部。其中以「八幡平溫泉鄉」同「安比高原溫泉」等聞名，有日式溫泉旅館定西式酒店可以選擇，都多設有溫泉供住客浸。但係，無論邊間溫泉旅館都離車站有啲遠，建議搭巴士或的士入去。

民宿或經濟型旅館嘅價格帶大約係1晚約4,000日圓左右。另一方面，日式旅館或渡假型旅館1晚約10,000日圓起～，其中亦有1晚約50,000日圓或以上嘅住宿設施。（2019年10月當前資訊）

盛岡及雫石係以盛岡市為中心嘅地區，大約位於岩手縣嘅中央位置。

盛岡地區有好多旅館，雫石地區則有別墅或渡假村等住宿設施。另外，盛岡地區嘅JR盛岡站附近則有好多提供純住宿嘅旅館。所以，如果想喺岩手縣入住經濟實惠嘅住宿嘅話，推薦可以喺呢區搵。

平均住宿房價隨唔同類型嘅旅館有所不同，單純住宿嘅平價旅館1晚約3,000日圓起～、日式旅館或西式酒店則係1晚約10,000日圓左右。另外，其中亦有1晚約70,000日圓以上嘅高級旅館。（2019年10月當前資訊）

北上、花卷及遠野地區位於岩手縣中間偏下方嘅區域。喺岩手縣嘅觀光區當中係住宿設施數量最多嘅地區。

特別係花卷有花卷溫泉區，有好多溫泉旅館同住宿設施。另外，遠野則有好多別具風格嘅民宿同旅館、酒店。但無論係邊種類型嘅旅館，規模都偏小型。

住宿價格大約平均1晚約7,000日圓起～。其中亦有1晚約3,000日圓或1晚約30,000日圓嘅旅館。

安比高原溫泉酒店係可瞭望奥羽山脈嘅高原渡假型旅館。喺安比高原有兩棟唔同風格嘅建築物。身處大自然美景圍繞當中，一年四季都可以體驗網球或露營等各式各樣嘅戶外活動。

呢個旅館嘅最大魅力係「白樺之湯」。喺大自然環境豐饒嘅高原，夜晚可欣賞滿天星空，一邊喺露天浴池浸溫泉。仲有可容納男、女各約200人左右嘅大人數公共澡堂等，相當有魅力。無色透明且清爽嘅溫泉，有「美肌溫泉」之稱。

另外，旅館內有3個唔同類型嘅餐廳。其中最推薦以自助式餐廳「YAMABOSHI」。可以品嚐到岩手縣當地鄉土料理，以及其他種類豐盛嘅美食料理。加上餐廳有嘅大片窗戶，可以一邊用餐一邊欣賞窗外白樺林樹木茂密群生嘅景色。

名稱：安比高原溫泉酒店
地址：〒028-7395 岩手縣八幡平安比高原
交通方式：岩手花卷機場→[免費接駁巴士] 約1小時25分鐘或岩手花卷機場→[機場巴士] 約45分鐘→盛岡站→[JR花輪線] 約60分鐘→安比高原站→旅館提供接送服務
Wi-Fi：有
語言：英文、中文
信用卡：VISA卡、Master Card萬事達卡、JCB卡、AMERICAN EXPRESS美國運通卡、Diners Club International大來卡
入住・退房時間：Check-in 15:00 / Check-out 10:00

岩手湯本溫泉對瀧閣酒店係位於奥羽山脈山腳嘅溫泉旅館。源泉放流式溪流露天風呂「瀧美之湯」，以及男湯、女湯都提供100％純溫泉。

客房為8～10帖榻榻米和室，共有35間房間。從房間望出去可以欣賞到流經眼前嘅和賀川同四季更迭變換嘅自然美景。

另外，酒店提供嘅懷石料理亦唔可以錯過！春季可品嚐蜂斗菜、夏季則有香魚等使用當造食材製作嘅料理。唔只美味可口，料理仲好有藝術美感，一定令住客有一個特別嘅體驗！另外，視人數同住宿方案，晚餐可以選擇喺個別房間包廂用餐。

溫泉浴池嘅種類亦相當豐富。除咗大浴場同露天風呂之外，仲有蒸風呂同包租溪流露天風呂。從各個溫泉浴池都可以欣賞到流入錦秋湖嘅和賀川或瀑布等美麗景致。