位處琵琶湖東北方嘅彥根市，係一座幾乎位於日本列島正中央位置嘅城市。彥根市以1620年建造嘅彥根城為中心，多年來並作為城下町繁榮發展，市內唔單只有多個可以感受彥根歷史與文化嘅景點，遊客喺市內仲可以欣賞到日本最大淡水湖「琵琶湖」嘅美景𠻹！
關於彥根市
彥根市面對琵琶湖，自古以來就係連接京阪神、東海與北陸地區嘅交通樞紐。16世紀井伊家族建造彥根城，並將周邊地區發展成繁榮城下町，以及政治與經濟中心。
彥根氣候與適合旅遊季節
彥根市年平均氣溫約為攝氏15度，由於琵琶湖湖水比較唔容易升溫或降溫，因此造就出夏天唔會太熱、冬天亦唔會太凍嘅宜人氣候。
彥根一年四季氣候舒適，但要注意當湖岸強勁季節性西北風刮起時，當地氣溫會明顯下降。
彥根各區特色
彥根市內至今仍然保留著多座16世紀歷史遺跡，例如係國寶彥根城及其周邊城下町。以下將為大家介紹彥根可以感受到歷史文化嘅地區，以及擁有豐富天然資源嘅琵琶湖區。
可以追溯彥根歷史嘅彥根城區
彥根城區以彥根城為中心，城內坐有多座歷史建築與瑰麗自然風景。彥根城建於16世紀，並總共花費20年時間築城，對於建立幕府政治有極大貢獻。
其他推薦景點則包括，井伊直弼曾經住過嘅房屋「埋木舍」、於梅林／彥根城中濠沿途種植嘅成排松樹「Iroha松」，以及模仿近江八景建造嘅「玄宮園」。
以彥根傳統街景為特徵嘅城下町區
彥根市街景彌漫著濃厚400年歷史城下町風情。城下町區內有13座神社寺廟、歷史建築物及文化設施等景點，推薦您可利用市區內循環巴士歷史遺跡巡遊路線進行觀光。市內亦會舉辦各式各樣祭典活動，例如10月會舉行彥根市最大規模嘅「彥根城祭」、著名禪寺「龍潭寺」則會於4月份舉行「達摩祭」。
可以欣賞彥根絕景嘅琵琶湖區
琵琶湖係世界第三大湖泊，亦係日本最大嘅淡水湖。嚟到琵琶湖地區，遊客可以充分享受呈現醉人藍色嘅琵琶湖以及其周圍歷史悠久嘅遼闊自然景觀。
您可於區內乘搭從彥根港出發嘅遊覽船到琵琶湖各島嶼觀光，欣賞擁有寺廟及岩石美景嘅多景島、被綠樹覆蓋嘅竹生島等絕景。
彥根美食與餐廳
彥根市以從琵琶湖捕獲嘅漁穫、滋賀縣產「近江牛」等美食為著名特產。近江牛係日本三大和牛之一，其歷史約有400年；除此之外，您亦可以喺彥根內品嚐到琵琶鱒(ビワマス) 、疣舌裸頭鰕虎魚(イサザ)、本諸子魚(ホンモロコ)等只有琵琶湖才搵得到嘅淡水魚料理。
彥根市餐廳大多集中於JR彥根車站所在嘅彥根市北部地區。
彥根酒店與旅館
彥根市住宿設施以酒店及日式旅館為主，當中又以酒店數量較多。JR彥根站周邊林立多間住宿設施，而且收費合理，酒店每晚約為5,000到7,000日圓。
琵琶湖周邊旅館則以視野良好見稱，住客可以於房內眺望彥根城與琵琶湖美景。
前往彥根嘅交通方式
如果要前往彥根，首先請以JR彥根站為目的地。從東京出發的話，在JR東京站乘搭新幹線前往JR米原站。車程約需2小時10分鐘；從JR米原站轉乘開往京都嘅JR東海道線，約5分鐘即可到達JR彥根站。
景點資訊
- 名稱：彥根（JR彥根站）
- 地址：滋賀縣彥根市
- 交通方式：JR東京站→[新幹線]約2小時10分鐘→JR米原站→[JR東海道線]約5分鐘→JR彥根站
- Wi-Fi：有 (依各施設而異)
- 語言：英文
- 信用卡：可以使用VISA、MasterCard、JCB、AMERICAN EXPRESS (依施設而異)
Comments