「唐津」位於日本九州西北方嘅佐賀縣。擁有大海等美麗的自然景色。過去曾經繁榮嘅城下町，唐津市區擁有好多古老嘅遺跡，同埋歷史淵源深厚嘅神社佛寺。每逢秋天舉辦嘅傳統祭典，更會吸引好多觀光客嚟參加。
位於日本佐賀縣嘅唐津市
佐賀縣北部嘅唐津，喺古代係同中國、韓國等地往來嘅關口，所以好繁華興盛。呢個城鎮孕育咗多采多姿嘅文化，更加有豐富自然圍繞，有山有海，坐擁好多優美嘅自然景色，同埋歷史悠久嘅觀光景點，精彩之處數都數唔哂。
唐津城所在 充滿魅力嘅唐津市區
唐津市市區喺江戶時代係唐津藩嘅繁榮城下町，而喺明治之後就係石灰嘅裝運港，擁有豐富嘅觀光景點，例如出名賞櫻、賞藤花嘅唐津城，同埋煤礦產業興盛時期保留落嚟嘅時代感建築等等。
秋天舉辦嘅祭典「唐津宮日祭（唐津くんち）」
約由400年前就開始舉辦嘅傳統祭典「唐津宮日祭（唐津くんち）」。每年都吸引好多人嚟參加，一齊感受熱鬧氣氛。喺祭典入面，會拉行豪華壯觀嘅祭禮山車「曳山」繞町，每年11月2日至4日舉辦。錯過祭典舉辦日期亦唔使失望，可以去「曳山展示場」近距離觀賞充滿震撼力嘅巨大「曳山」。
唐津市充滿迷人魅力嘅觀光區域
知名嘅虹之松原所在「濱玉地區」
唐津市嘅濱玉町緊接旁邊嘅福岡縣，擁有日本三大松原之一嘅「虹之松原」，非常出名。松樹茂密生長嘅美麗海岸，建議由鏡山觀景台眺望呢片宜人景致。
大吃花枝料理「呼子地區」
呼子係出名嘅花枝盛產地，可以喺度品嘗到新鮮花枝生魚片或者花枝天婦羅，有好多好好食嘅花枝料理。另外，另一個佐賀嘅有出景點係國家天然紀念物嘅「七釜」，可以搭遊覽船欣賞，因為玄界灘嘅驚滔駭浪侵蝕而形成嘅特殊地形。
美麗夕陽映襯水田美景「玄海町・濱野浦地區」
玄海町・濱野浦地區有一片坐落喺傾斜山坡嘅階梯狀水田（梯田），遠近馳名。每逢插秧種植嘅季節，夕陽西沉時，將一片梯田同大海染上金黃色，呈現出相當夢幻嘅光景。
「唐津燒」發源地「北波多地區」
北波多地區係中國、朝鮮一帶嘅陶瓷技術最早傳入日本嘅地方，亦係「唐津燒」嘅發源地。而唐津燒隨住使用時間越耐，就會更突顯本身嘅質感同風味，非常適合買嚟做手信。
前往唐津站嘅交通方式
由東京都內前往唐津，由「羽田機場」搭飛機至「福岡機場」（約1小時30分），再轉乘JR電車至「唐津站」落車，車程約1小時30分鐘。
景點資訊
- 景點名稱：唐津車站內的 唐津觀光資訊中心
- 地址：佐賀縣唐津市新興町2935-1
- 交通方式：羽田機場→[飛機]約1小時30分→福岡機場→[JR]約1小時30分→唐津站
- Wi-Fi : 無
- 語言：英文
- 營業時間：9:00～18:00
Comments