如果去日本有限制只可以帶幾款手信嘅話，東京「PRESS BUTTER SAND」絕對可以穩留喺必買清單入面！以焦糖牛油夾心餅乾聞名嘅「PRESS BUTTER SAND」，唔單止因為好食而名傳千里，就連包裝外盒嘅高級品質感路線亦為人津津樂道。今次「PRESS BUTTER SAND」喺九州福岡開分店，仲推出福岡限定嘅「甘王草莓」味，一推出就受到大家歡迎，即刻大叫：必！買！
「PRESS BUTTER SAND」喺日本東京車站嘅超受歡迎手信之一！金黃方形嘅外觀，睇起上嚟同普通嘅夾心餅乾無乜分別，但真正嘅美食，當然要試食過先識貨。佢外皮酥脆嘅口感，加上與嚴選嘅北海道牛油餡嘅配合，味道濃厚，但唔會太膩，令人一食就會深深愛上～而今次嘅限定款式，更加令人心動！
甘王草莓焦糖口味
令人愛不釋手嘅「PRESS BUTTER SAND」喺九州福岡嘅首間分店，開喺JR博多站入面，仲用咗福岡縣出產嘅名種士多啤梨—「甘王草莓」推出限定嘅「草莓焦糖牛油夾心餅」，呢個消息一出。唔單止鍾意係呢款餅乾嘅支持者興奮，連草莓亦都把持唔住！！
酥脆嘅外皮透出淺粉紅色，內餡包住滿滿甘王草莓果醬口味嘅牛油夾心，一拆開包裝馬上就聞到香甜四溢嘅士多啤梨味，酸酸甜甜嘅滋味，真係令舌頭好幸福。
今次福岡新店舖限定嘅甘王草莓味，唔單止味道正，外盒包裝都非常吸引。配合返夾心餅本身顏色，用咗粉色嘅包裝，靚到令人唔捨得拆嚟食。而且呢款粉色特製外盒，喺用咗瓦通紙版，佢嘅細緻觸感，真係好有feel，令人食完入面嘅夾心餅，都仲想留返呢個咁有質感嘅包裝盒！
商品資訊
- 名稱：PRESS BUTTER SAND 博多站店
- 地址：福岡縣福岡市博多區博多站中央街1番1號JR九州博多站內
可可焦糖口味
日本近期有好多新商場同新地標開幕，其中東京澀谷區嘅新地標「SHIBUYA SCRAMBLE SQUARE」亦令好多鍾意去日本嘅朋友們非常期待。呢座位於澀谷站旁嘅摩天大樓，最大特色就係喺47層樓設有室外景觀台，可以眺望整座城市嘅全貌。唔單止咁，好多唔同嘅人氣品牌同店舖都進駐入面，其中包括好受歡迎嘅「PRESS BUTTER SAND」。喺11月1日開幕時，會推出澀谷限定口味「可可焦糖牛油夾心餅乾」。（天啊～聽到就已經想買嚟食～）
呢款「可可焦糖牛油夾心餅乾」同時添加兩種唔同濃度嘅可可粉製作，用咗倫比亞朱古力，結合萊姆酒製作焦糖可可夾心，再加上濃郁柔滑嘅牛油，比起原味同埋士多啤梨味，呢款可可焦糖味係香甜得嚟略帶少少甘味，會令人食上癮。
當然，呢款可可味嘅包裝都係靚到不得了，令人唔可以唔收藏！簡約嘅黑色紙盒上面，打印咗銀白色嘅字體，就好似一件藝術品咁＼。
商品資訊
- 商品：PRESS BUTTER SAND TOKYU Foodshow EDGE店
- 地址：東京都澀谷區澀谷2丁目24番12號
- 開幕日：2019年11月1日
Source：PRESS BUTTER SAND
© 妞新聞 www.niusnews.com
Comments