大家仲記得舊年日本郵局推出嘅「哆啦A夢聖誕系列」同埋「哆啦A夢新年系列」商品嗎？可愛程度唔單只令日本女生搶貨搶到手軟，連海外粉絲都超級想買！而今年日本郵局又再度開火，推出「哆啦A夢家品系列」（DORAEMON HOME），目前多款實用商品已經開始熱賣中，鍾意藍色機械貓嘅粉絲朋友們，想買就要快手喇！！
哆啦A夢唔單止喺日本好受歡迎，喺香港都係唔少人嘅童年回憶！！相信有唔少人都曾經希望自己可以同有有百寶袋嘅萬能哆啦A夢做朋友。而家日本郵局就嚟滿足大家嘅願望！即日起限量推出「哆啦A夢家品系列」（DORAEMON HOME），唔單止商品實用，連設計亦到好有心思！
哆啦A夢毛絨絨束口袋
好似呢款「哆啦A夢毛絨絨束口袋」就已經令小編投降！紺藍色嘅外觀，配上殷紅色嘅蝴蝶結繩帶，上面仲有隻賣萌嘅哆啦A夢，可愛指數爆燈～～而且呢種細緻柔軟嘅溫和觸感，最適合天寒地冷嘅冬天使用！拎嚟做化妝袋或者雜物袋都好合適。
潤唇膏＆潤手霜
秋冬天氣好乾燥，好容易就嘴唇太乾，或者手嘅皮膚裂開！有呢啲困擾嘅朋友，一定唔可以錯過「哆啦A夢潤唇膏」同「哆啦A夢潤手霜」！潤唇膏嘅外型上有可拆式嘅多啦Ａ夢鈴鐺，而味道則係令人清新舒緩嘅檸檬香味。而潤手霜都有淡淡嘅花香味，非常療癒～呢啲商品都可以喺日本郵局門市買到哦！
網上訂購商品
如果短期內無計劃去日本，又或者搵唔到人幫手代購都唔使擔心。今次郵局有開放可以喺網上購買。除咗上面介紹咗喺實體店買到嘅商品之外，仲有網上訂購限定嘅刺繡外套、家用拖鞋同毛毯等家品。
好似呢款室內用拖鞋，仲可以配埋軟綿襪一套，而且襪子上面分別有哆啦A夢同埋小鈴鐺的嘅刺繡，特別適合冬天成日手凍腳東嘅女仔！既保暖又可愛，而且小編個人覺得呢款襪，直呈可以著出街！大家心動不如行動，可以即刻去訂～
商品資訊
- 商品名稱：哆啦A夢家品系列（DORAEMON HOME）
- 官網：JP郵便局
Source：JP郵便局
© 妞新聞 www.niusnews.com
Comments