《SPEC》系列由2010年首播，至2013年劃下了故事嘅句號。由一開始嘅日劇已經掀起話題，之後推出咗特別篇、電影，係一部非常受歡迎嘅作品。但係因為播出嘅順序，同劇裡面故事發展嘅時間軸唔同，如果而家想重溫呢套作品，或者想而家開始睇呢套作品嘅人，可能會唔知應該由邊到開始。為咗令大家可以更容易投入劇情發展，係呢度就一次過綜合同整理《SPEC》全系列劇情概要，同埋時序發展等。
《SPEC》係乜嘢？
SPEC係一個專門偵辦超出常識範圍，而且不可思議案件嘅部門。呢個部門，被人俗稱為「未詳」，主要負責嘅案件，通常都係擁有超能力或者特殊能力犯人，稱為「SPEC HOLDER」嘅所為。呢個部門嘅成員有IQ201嘅天才怪人—當麻紗綾，同埋警視廳特殊部隊（SIT）出身嘅體力派—瀨文焚流，呢對未詳嘅拍檔，攜手合作解決各種難解案件。呢兩個角色分別由戶田惠梨香同加瀨亮飾演，導演就係日劇《繼續》嘅導演堤幸彥，劇本由撰寫《繼續》系列嘅西荻弓繪擔任。喺最初企劃時，係諗住將《SPEC》當成係《繼續》嘅二部曲，所以喺觀賞《SPEC》之前，推薦大家亦都可以順便先回顧一下《繼續》。
日劇《SPEC～警視廳公安部公安第五課 未詳事件特別對策係事件簿》（2010年）
首先由日劇開始介紹。警視廳公安部公安第五課，未詳事件特別對策，係負責偵辦特殊能力「SPEC」犯罪者引起嘅事件，俗稱「未詳」。喺瀨文被分派到未詳一刻起，故事正式開始。故事主要由當麻同瀨文兩人協力合作，解決一連串由超能力者「SPEC HOLDER」所犯下嘅事案件，故事後半段則描述同一十一（神木隆之介飾）嘅宿命對決。
經常爭吵唔夾嘅當麻同瀨文呢對拍檔，不按常理出牌嘅辦案手法，解決一單又一單嘅案件，喺破案過程中，逐漸建立起信賴關係，兩人之間嘅感情走向也係值得關注嘅焦點之一。另外，敵方嘅超能力者接二連三咁出現，每位超能力者都展現唔同嘅個性，令人好在意在意每位超能力者，同埋之後嘅劇情發展。
特別篇《SPEC～翔～》（2012年）
喺日劇篇中最後一場戲係激烈嘅戰鬥，因為咁而負傷嘅瀨文，經過一番休養之後重返未詳；同時未詳亦有新夥伴加入。幾日之後，發生咗一件奇妙嘅殺人事件，未詳前往調查。喺呢部特別篇當中，隱約可以窺見當麻所隱藏嘅秘密，仲有一直潛藏喺佢內心深處嘅心聲，同時仲描繪咗當麻同瀨文兩人之間萌生咗新羈絆。
呢部特別篇除咗為大家揭開日劇中嘅謎題，片尾仲有同下一部電影版嘅連結，令人睇完即刻想睇續集。
電影《劇場版 SPEC 天》（2012年）
有一日，未詳得知喺海上發生咗一件神秘殺人事件。喺船上嘅所有人嘅屍體，全部變成咗木乃伊。當麻同瀨文認為呢個事件同超能力者有關，前往案發現場調查。喺調查過程中，發現牽涉咗超能力者嘅陰謀，足以影響國家安全。當兩人嘅調查越靠近事件嘅真相，當麻嘅的左手就有一陣激烈嘅疼痛襲來⋯⋯。
喺呢部電影入面，同超能力者之間上演嘅戰鬥場面盛大，係電影版先至享受到嘅精彩震撼畫面。
特別篇《SPEC～零～》（2013年）
係父母同弟弟因飛機事故而喪生嘅女高中生—當麻嘅面前，嚟咗一位警視廳搜查一課嘅刑警，佢話畀當麻知，屋企人好有可能係被超能力者殺害。呢次係當麻第一次聽到「SPEC」呢個字。而喺多年後，當麻選擇咗做刑警，被分派到未詳呢個部門，前嚟迎接當麻嘅，正正就係未詳係嘅頭頭「野野村係長」。同一時期，瀨文就被任命為SIT小隊隊長。
呢部特別篇描述咗整個系列嘅最開始，可以睇到當麻啱啱入未咩時嘅樣子，同埋SIT時期嘅瀨文，同一十一之間孽緣嘅開端，仲有說明點解當麻會失去咗左手。劇情上嚟講，呢部特別篇嘅時間軸係最早最前面。因為內容同之後上映嘅電影版有關聯，所以安排呢個特別篇喺電影版之前播出。
電影《劇場版 SPEC～結～漸之篇》（2013年）
未詳與眾不同嘅作戰方式，逐一擊退超能力者，但超能力者嘅存在之大，足以動搖威脅國家安全。所以掌控人類發展關鍵嘅權力者，正在策劃將超能力者全數殲滅。但喺另一方面，一群最強的嘅超能力者團結組織起嚟，正一步一步著手準備將世界帶入毀滅嘅結局⋯⋯。
透過「前篇同後篇」兩集電影，構造出超能力者VS人類之間嘅壯烈戰役。
喺《SPEC》系列嘅完結之作，電影版前篇入面，前幾部作品入面出現嘅超能力者再次回歸，加快咗故事發展，向結局邁進。而當中唔可以錯過嘅場面就係，未詳成員之間嘅感情，同埋令人動容嘅刑警精神，有唔少令人熱淚盈眶嘅畫面。
電影《劇場版 SPEC～結～爻之篇》（2013年）
為咗阻止超能力者可能造成全人類滅亡，當麻將一切交託畀瀨文，決定利用自己擁有嘅超能力，犧牲自己嘅性命守護人類⋯⋯。即將被自己超能力吞食嘅當麻，還仲有拼咗命都要救出當麻嘅瀨文。到底兩人即將面臨點樣嘅未來？
©2012「SPEC 天」製作委員會
©2013「劇場版 SPEC 結 漸之篇」製作委員會
©2013「劇場版 SPEC 結 爻之篇」製作委員會
Comments