岡山縣備中松山城位於岡山縣高梁市，係一座建於險峻高山之上嘅「山城」。備中松山城建立於1240年，歷史相當悠久，無論係當時建立嘅天守閣、二重櫓或部分土牆皆待以保留至今，而且現存建築構造當中，更有多數城門以及城櫓更被修復還原成當時模樣，讓遊客能夠欣賞到築城當時嘅風采。
備中松山城必睇之處
備中松山城最大焦點為天守閣。現存天守閣建造於1683年，擁有超過300年驕人歷史。日本國內只有12座古城至今仍然保留著舊時天守閣，而備中松山城就係其中之一。另外，備中松山城亦係唯一一座山城，存在可謂相當稀有珍貴。
遊客嚟到備中松山城，更可以親眼見證日本重要文化財嘅珍貴價值。城內重要文化財共有3項，分別為天守閣、二重櫓以及三之平櫓東土牆。
二重櫓屋簷上裝飾著螭吻（鯱），由於二重櫓係一座兩層高建築，因此可以推測出佢係繼天守閣之後第二重要嘅建築；而三之平櫓東土牆則係備中松山城兩座土牆其中之一，現時只有極少數城堡土牆被列為重要文化財，因此更顯得土牆何其珍貴。自古以來保留至今嘅部分與後來再修復嘅部分兩者之間交界有個高低差，參觀時不妨好好仔細觀察一下界線喺邊啦～
如何欣賞備中松山城建築構造
備中松山城欣賞重點並唔只局限於舊時保留至今嘅建築，往天守閣方向嘅路上亦有同樣值得您關注嘅絕景和石垣。遊客可以到位於中間點嘅「中太鼓櫓跡」飽覽備中城城下町風光；又或到石垣欣賞由天然石頭人工堆疊而成嘅珍貴景點。充滿山城特色嘅一階一階石垣、整齊規律堆疊嘅石垣等各處看點眾多，保證您路上一定會有驚喜！
著名花海打卡影相位
想要眺望備中松山城絕景的話，就請一定要移步至雲海展望台。展望台位處海拔430米高山頂，為您提供從側面欣賞天守閣嘅最佳角度。每逢秋天至春天清晨，如果幸運的話，您更可遇見漂浮於雲海之上嘅備中松山城美景。白雲從四面八方將備中松山城包圍，呈現出非常夢幻飄渺嘅氛圍。
雲海展望台位於深山中，建議乘搭的士前往。
關於備中松山城
- 建城年份1240年
景點資訊
- 名稱：備中松山城
- 地址：〒716-0004 岡山縣高梁市山下1
- 交通方式：備中高梁站（高梁巴士中心）→高梁市內巡迴公車約10分鐘→松山城登山口…徒步約50分鐘
- Wi-Fi：有
- 語言：英文、中文、韓文
- 購票方式：於入口處購票
- 信用卡：不接受信用卡付款
Comments