岡山城於1597年由曾接受過豐臣秀吉指導嘅宇喜多秀家所建。由於岡山城天守閣牆壁呈黑色，因此古城又有「烏城」之稱。
走進岡山城城內，遊客可以欣賞到天守閣、櫓、城門、石垣以及城壕（堀）等建築構造。現時自建城當初保留至今嘅建築構造就只剩「月見櫓」與「西之丸西手櫓」，其他皆為後來重建修復嘅建築。
岡山城厲害之處
有機會遊覽岡山城的話，其中一處絕對不容錯過嘅地方就係「天守閣」。岡山城天守閣最大特色係，築建天守閣嘅地點「天守台」外觀呈不等邊五角形，屬於日本中比較稀有少見嘅形狀，而隨著唔同觀賞角度，可以見到嘅天守台形狀亦會有變化。
另外，「月見櫓」與「西之丸西手櫓」則保留著築城當時嘅風采，係日本歷史上相當珍貴重要嘅建築。「月見櫓」本身只有一層樓高，但如果您從岡山城外眺望，月見櫓建築構造睇上去就會好似有兩層高，咁係因為月見櫓一樓被城堡外側高高築起嘅壁壘所掩蓋。另一方面，西之丸西手櫓則係由上下層同樣大小嘅平面建造而成，原因據講目的係為以整齊劃一形狀嚟應對當時嘅日常生活。現時上述兩棟建築皆已被列為日本國指定重要文化財產。
如何欣賞岡山城建築構造
城堡地基嘅石垣亦係遊覽岡山城時必睇之處之一。石垣從1597年至1800年期間，因此遊客可以觀察到各個時代唔同嘅建築工法。
石垣堆疊方法共有3種，首先介紹嘅係築城當時採用嘅「野面積」堆疊工法，即將完全未加工嘅石頭逐塊逐款堆疊而成。其後1605年則開始採用「敲打接合（打込ハギ）」，花工夫調整石頭尺寸並弄得較為平整，以減少石頭與石頭之間嘅縫隙。
而最後一種，就係「切整接合堆疊」、將切割成四四方方大大小小嘅石頭堆疊建築方法。
無論係邊種工法，都會令人讚嘆當時竟然有如此精巧又壯觀嘅建造技術呢！
岡山城著名祭典活動
岡山城一整年都會舉辦各式各樣嘅祭典活動。例如春天會舉辦「烏城雛祭」慶祝女兒節，展出日本傳統人偶「雛人偶（ひな人形）」並演奏日本傳統樂器「日本古箏」，會場散發出濃厚日本傳統祭典氣氛。
另外，春夏秋三季則會舉辦「烏城燈源鄉」，於夜晚星空下用燈籠、蠟燭照亮天守閣及其附近區域。點燈期間天守閣會延至晚上營業開放參觀，推薦大家趁呢舍難得機會，從天守閣上頭欣賞岡山夜景喔！
除此之外，祭典期間亦會提供甲冑試穿體驗「烏城城堡同樂（烏城おしろあそび）」、以及舞獅表演「烏城初夢祭」等精彩活動。
岡山城體驗／針對外籍旅客推出嘅活動
岡山城天守閣內會舉辦多項活動萊迎大家體驗參加。例如可以免費換上城主、公主服裝嘅著付體驗，又或手作盤子、小碗鉢等６種器皿嘅岡山工藝品「備前燒」製作體驗。
關於岡山城
- 建城年份 1597年
- 舉辦祭典
- 烏城雛祭（春）
- 烏城燈源鄉（春夏秋）
- 烏城城堡同樂（春）
- 宇喜多秀家☆節（秋）
- 岡山菊花大會【第68屆】（秋）
- 月見櫓開放參觀（秋）
- 烏城初夢祭（冬）
景點資訊
- 名稱：岡山城
- 地址：〒700-0823 岡山縣岡山市北區丸之內2-3-1
- 交通方式：岡山站→[兩備公車]車程約10分鐘→縣廳前…徒步約5分鐘
- Wi-Fi：有
- 語言：英文、繁體中文、簡體中文、韓文
- 購票方式：於入口處購票
- 信用卡：VISA, MasterCard萬事達, JCB, AMERICAN EXPRESS美國運通, Diners Club International大來國際信用卡, Discover Card, 銀聯
Comments