掃貨先鎖定目標！Tomod's公布日本熱賣化妝品・護膚品TOP 3

走進日本藥妝店，先鎖定上榜嘅人氣產品就包無錯！

日本藥妝店真係好容易令人失心瘋嘅地方！只要踏入日本嘅藥妝店，就好容易會被各式各樣嘅化妝品、護膚品吸引，如果大家有選擇困難症嘅話，可以參考吓日本連鎖藥妝店Tomod's最新公布嘅日本當地熱賣清單！

化妝品熱賣排行榜

眉粉出名好用嘅KATE，呢款3D造型眉粉盒，組合內就包含淡、中、濃三色，唔單止可以用嚟畫眉，仲可以當埋眼影、鼻影用，值性比超高，好多彩妝BLOG、KOL都有推過，細細盒又方便攜帶！

睫毛膏回購率爆高嘅dejavu，亦都係小編過往去日本必掃貨嘅重點之一，呢支打正旗號話「刷出假睫毛」，喺競爭激烈嘅彩妝市場屹立不搖，用塗上去已經可以做到好似戴咗假睫毛嘅纖長效果，但又不會太過厚重、唔會唔自然，仲可能防皮脂汗水，長時間都唔怕甩或者溶妝。

抽推出市面開始，就成會喺日本SNS被討論，話題一路都唔停。這款珍珠光澤粉嘅粉質好幼細，刷喺肌膚上可以造出好靚嘅光澤感，新推出嘅玫瑰米色，亦都即刻大受日本妹歡迎，鍾意打陰影打光澤嘅絲打一定唔可以錯過！

專為乾燥敏感肌膚研發嘅護膚品版Curel，一直都好受敏感肌膚嘅絲打寵愛，呢款卸妝啫喱，質地非常輕盈，唔使靠大力摩擦就已經可以卸除臉上嘅彩妝，沖洗後肌膚亦都唔會乾燥緊繃。

日本超熱賣嘅薏米化妝水，賣點係成分溫和單純、無添加酒精、香料，係化妝前濕敷能夠快速穩定膚況同埋補水，特別係痘痘肌膚都可以護理到！一支容量超大，價格非常親民，對於鍾意濕敷嘅絲打們嚟講，非常可以買得落手！

每次去到日本藥妝店，總會見到佢擺喺顯眼位置！由日本知名品牌－石澤研究所推出，100%日本原產米精華成分，曾經被搶到一片難求，日本官網上甚至還規定每人每個月有限額購買，仲未試過嘅朋友們，千祈唔好錯過！

呢幾款大家都試過嗎？如果去到Tomod's就全部都齊貨，可以買到，快啲搵時間去掃貨喇！