小編最近好負能量，全靠KoupenChan送啲正能量嚟～
喺Twitter上有高人氣嘅「Koupen Chan 正能量企鵝」，要喺東京同埋大阪開設期間限定嘅Cafe！之前2017年都曾經開過Cafe，就係因為大受歡迎，所以今年為咗回應粉絲嘅熱情，又再推出第二次嘅Cafe企畫。呢隻企鵝寶寶以「治癒力」出名，他嘅口頭禪係「えらーい」（好棒～），成日會讚你，超適合返工返到極度厭世，或者好需要鼓勵嘅人，整個被療癒～
雖然今次嘅Cafe可選餐點唔係好多，但每款都萌到不得了！首先睇主菜，第一款係左邊嘅「食多啲好叻！焗烤咖哩」，連個菜式名都好勵志XD，可以鼓勵胃細嘅朋友食多啲！再來就係旁邊嘅「Koupen Chan茶泡飯」，附有烤魚、梅子同醃蘿蔔，全部都係日本嘅庶民美食。
第三道菜式係「邪惡長尾山雀的漆黑巢穴漢堡」，（忍唔住吐嘈呢個名太長）呢個企鵝漢堡包，完全無違和感，超級可愛，令人根本唔捨得食！而最後要介紹嘅主菜菜式係「花丸咖喱飯」，花丸係日本小學老師畫喺100分考卷上嘅圖案，畫喺咖哩上面，都有覺得自己拎咗100分被讚嘅感覺XD
主菜唔係最重要，甜品先係女生去食嘢嘅主角。！左上係「粉色Koupen Chan士多啤梨牛奶鬆餅」，好似係鬆餅上冚咗張企鵝被被，好萌！再來就係「朱古力香蕉班戟 」，朱古力香蕉係正能量企鵝Koupen Chan最鍾意嘅甜品，插喺上面嘅小企鵝都表示好開心！最後係小編私心最鍾意嘅「兩個好朋友新地」，兩球企鵝同麻雀雪糕，外表完全100分可愛分～～
最後想介紹兩款飲品，左邊嘅係「棉花糖牛奶」，睇起嚟好似熱氣球XD 飲之前記得俾相機先食～如果唔係一淋牛奶落去嘅話，就會即刻變成恐怖嘅溶化企鵝Σ(lliдﾟﾉ)ﾉ。右邊嘅係「Koupen Chan漂浮奶茶」，都係萌到好犯規，但都係溶架，所以要快手食！
係咪每款都睇起嚟好CUTE呢?？其實正能量企鵝嘅作者有手繪出呢D CAFE食物嘅圖，漫畫都已經睇嚟好好食。今次Cafe喺期間限定，鍾意嘅朋友記得要把握時間去～最後附上正能量企鵝啲成名作MV。
店家資訊
- 名稱：Koupen chan Cafe
- 地址：（東京店）東京都渋谷区宇田川町21-1 渋谷ロフト 2F、（大阪店）大阪府大阪市西区北堀江1-6-24
- 時間：（東京店）8/8～9/23、（大阪店）9/5～10/6
- 官網：正能量企鵝咖啡廳官網
© 妞新聞 www.niusnews.com
Comments