迪士尼商店「小熊維尼蜂蜜日」系列周邊甜蜜亮相♡

限定「蜜蜂維尼」超萌融化粉絲心

8月3日係日本一年一度嘅「蜂蜜日」（はちみつの日），往年迪士尼商店都會推出一系列以小熊維尼為主題嘅蜂蜜系列商品來，今年當然亦不例外～我地快啲一齊嚟睇下著咗蜜蜂裝嘅小熊維尼，會化身成點樣嘅商品歡慶祝蜂蜜日吧！

今年嘅蜂蜜系列商品主題名為「Hunny Funny Sunny」，可愛嘅小熊維尼搭配鮮艷嘅黃色，風格既可愛又顯得朝氣，就咁睇都非常有動感！著咗蜜蜂泳裝嘅小熊維尼，現身喺抱枕、化妝包、杯同裝飾擺設等商品上，真係用甜蜜嘅樣想融化粉絲嘅心。（笑）

小編要特別介紹呢款LED蜂蜜樹桌上擺飾，小熊維尼望住蜂蜜樹滴落嚟嗰期待樣，真係好治癒>////<！呢款擺設夜晚仲可以發光，可以當成燈用！

飾品盤隨附一個蜜蜂小吊飾，可以用嚟放個人嘅小飾物，俾呢個食到臉都膨起咗嘅小熊維尼幫你好好保管～（好想捏捏佢塊臉）

手鏡＆束口袋嘅設計都好有心思～鏡子專登用咗維尼塊臉嘅輪廓，而束口袋就係維尼最鍾意嘅蜂蜜罐，仲要蜜糖多到瀉，真係超甜蜜！（怕唔怕惹蟻>_<）

維尼手錶相當精緻，錶面以維尼＆小蜜蜂嘅圖案再搭配蜜糖傾流而下嘅背景，每次睇錶都順便被維尼治瘉一下～而錶帶都係用返蜜糖黃，成個設計都好夏天好sharp！

手機週邊推出咗兩款手機殼同埋一款手機環。中間嘅手機殼圖案很逗趣，沉睡喺蜂蜜裡嘅維尼似乎正做著美夢，嗰樣真係太萌啦！

身穿蜜蜂泳裝嘅維尼亦化身公仔嚟陪粉絲們～有適合抱喺懷中嘅大細，亦有適合隨身攜帶嘅吊飾公仔。

另外，「nuiMOs娃娃」也為咗蜂蜜日推出了限定版「蜜蜂維尼」哦～變成小蜜蜂嘅維尼實在太萌了啦，背後仲有小翅膀，可唔可以唔好咁犯規！

最後要介紹嘅係TsumTsum，維尼同佢嘅好朋友們都一齊鑽入咗蜂蜜罐入面賣萌！圓圓軟軟嘅樣，係咪真係好想攬佢呢？！蜂蜜之日系列商品已經喺7月16日開始網上發售，而實體店就7月23日開售，去日本嘅粉絲們記住買！