預防中暑對策 球場外免費派寶礦力？

有鑑於舊年日本有成九萬幾人*因為中暑而送院，日本寶礦力水特今年特地喺夏天嚟之前舉辦咗一系列嘅防中暑活動。除咗有最近大熱，啱啱推出嘅《工作細胞ＸPOCARI SWEAT 熱中症對策》嘅動畫之外，仲係早前嘅「橫濱DeNA Baystars 對 阪神Tigers」嘅日本職業棒球聯賽嘅比賽中，實施咗「熱中症對策Day supported by Pocari Ice Slurry」活動，請咗一班高中生義工喺球場外面派《防中暑方法小冊子》同埋最啱夏天嘅「POCARI SWEAT ICE SLURRY」，呢款寶礦力產品除咗可以幫大家補水、補鹽份同補電解質之外，仲可以幫助身體降溫預防中暑添！

除咗高中生之外，「橫濱DeNA Baystars」嘅吉祥物DB.Starman同神奈川縣嘅未病吉祥物ME-BYO MAN都有嚟幫手叫大家預防中暑。仲有現任「寶礦力女郎」，年僅14歲嘅鈴木梨央嚟撐場兼做開球式。

至於點解飲寶礦力水特可以預防中暑？咁就要睇吓《工作細胞ＸPOCARI SWEAT 熱中症對策》

雖然香港未有「POCARI SWEAT ICE SLURRY」派，但大家都要記住夏天喺戶外活動，要好好補充水份以免中暑。

*根據「日本總務省消防廳」發表嘅數字，2018年5月至9月，全日本總只有95137人因中暑而送院，係2008年開始記錄以嚟最多。