Toy Story迷必睇！《反斗奇兵》日本推多款限定商品

《反斗奇兵4》即將喺7月12日於日本上映，陪著大家成長嘅《反斗奇兵》成員會同你一齊喺暑假冒險。配合電影上映，日本唔同嘅業界都推出左一系列嘅週邊商品，FUN! JAPAN團隊幫大家整理左個清單，由甜品、文具、旅行用品到餐具、公仔都有，快啲直接衝去日本全部打包返屋企啦！

「TOY STORY GOODS COLLECTION」Loft登場

喺上映之前，生活雜貨店「Loft」已經由4月23日(二)喺日本全國110間分店陸續舉辦「TOY STORY GOODS COLLECTION」活動，獨家推出120種講明只有呢度先買到嘅商品。除了胡迪、巴斯光年等人氣角色嘅產品之外，也推出左今次電影新作中登場嘅新角色「Forky」、「Ducky & Bunny」嘅商品~

Baskin Robbins新商品 三眼仔雪糕蛋糕

喺《反斗奇兵》系列入面，成日會聽到三眼仔異口同聲咁叫：「嗚～～！」。佢地其實喺來神秘Pizza星球嘅外星人。今次Baskin Robbins就s就將佢做成雪糕蛋糕，由７月１日開始發售。大大嘅三隻眼睛，圓頭同埋可愛嘅耳子耳朵係用朱古力製作，而嘴巴部分就用左朱古力cream。仲有三眼仔件衫上嘅外星標誌都係用朱古力造。而蛋糕墊就見到Pizza星嘅太空世界。

商品資訊

• 商品名：反斗奇兵 三眼仔

• 價格：建議含稅售價 3,300円(部分店鋪可能價錢有所不同)
• 尺寸：直徑約15cm×高約6cm
• 售賣期間：由2019年7月1日（一）起全年發售

反斗奇兵成員變身糖果餅乾包裝 AEON獨家商品

AEON集團用左反斗奇兵嘅人氣角色做左零色包裝，總共有7款種類。已經由7月2日(二)喺全日本大概2,800間店鋪開始發售。最受歡迎嘅「胡迪」同「巴斯光年」就唔駛講啦，連今次電影新登場嘅「Ducky & Bunny」都有獨立嘅零食包裝！輕巧包裝，好適合偷(?)帶入戲劇邊食邊睇戲~  

商品資訊

• 發售日：2019年7月2日（二）

• 售賣店鋪：日本全國AEON集團約2,800間店鋪(部分地區與店舖有可能未販售)
• 種類：7種
• 價格：105円至1,204円 (連稅)

帶埋反斗奇兵去野餐 廚具雜貨專門店「212 KITCHEN STORE」

過去，曾推出許多迪士尼角色相關商品的「212 KITCHEN STORE」，在日本全國有超過80家店鋪，主要販賣廚房用品、食品、調味料、家具、日用品等與飲食生活相關的雜貨。為了能讓顧客在下廚時更加得心應手，讓用餐氛圍更加美好。

今次趕上反斗奇兵上映啲熱潮，推出相關系列商品，例如去野餐必備的「午餐盒」同「保冷袋」，仲有不鏽鋼保溫瓶，亦都有令煮飯更輕鬆嘅各種「廚房小物」同「保存容器」等，產品種類非常豐富。

玩具迷大本營KIDDY LAND獨家商品 電影上映日登場

嚟到大型玩具店KIDDY LAND，日本國內外嘅當紅卡通人物週邊商品、最新流行商品、各式玩具等，都可以係呢度買到，係玩具迷去日本必到嘅朝聖景點之一。今次《反斗奇兵》上映，KIDDY LAND當然無錯過機會推出相關週邊。

KIDDY LAND兄反斗奇兵商品，會由日本電影上映日當日，7月12日(五)開始發售。句括有胡迪零錢包、購物袋、票夾、化妝鏡、枕頭套同T恤等，商品好有美國風，色彩鮮豔繽紛。另外，買反斗奇兵商品總值超過1000円嘅話，仲有機會可以獲得胡迪嘅襟章！

「3COINS」將《反斗奇兵》帶返屋企

標鎊300円就買到嘅日本「3COINS」亦無錯過呢個商機，喺電影上映嘅翌日- 7月13日（六）起將推出一系列反斗奇兵商品，種類超過70款，準備嚟搶大家荷包嘅錢，想用最超值嘅價格，拎最多嘅反斗奇兵返屋企嘅話，就唔可以錯過喇！

購物袋、野餐墊、人字拖、文具、洗衫袋等，由休閒娛樂用品，到每日都用得到嘅廚房浴室用品都有。全部都係3COINS原創設計，真係可以全屋都變哂反斗奇兵世界。