可愛嘅集體回憶！東京動漫主題甜品4選

唔同世代有不同嘅經典，唔知您心目中經典嘅卡通動漫角色係邊個呢？以下要為您介紹的係日本東京最新嘅主題甜點店，不論您鍾意夢幻系嘅「Hello Kitty」，逗趣可愛嘅「薯蛋頭先生」，永恆經典嘅「櫻桃小丸子」，定係懷舊復古嘅「小飛俠阿童木」，都可以同小編一齊係東京開啟一段尋找回憶之旅！

【HELLO KITTY】「美妝 × 卡通明星 × 藝術家」 史上最夢幻crossover

當化妝品龍頭、卡通明星同藝術家相遇，會擦出點樣火花呢？化妝品牌「資生堂」旗下嘅甜品店「SHISEDO PARLOUR」，搵左SANRIO嘅「Hello Kitty」，同日本知名攝影家「蜷川實花」，一齊打造繽紛可愛嘅甜品，呢個Crossover組合真係可以話史上最夢幻！

2019年7月19日（五）起至11月尾左右，推出了期間限定嘅新地，表現出 Hello Kitty嘅甜美可愛，同蜷川實花強烈又鮮明嘅世界觀，喺SHISEDO PARLOUR自由之丘、日本橋、川崎、橫濱高島屋、橫濱SOGO…等分店都會推出，名古屋分店同香川金刀比羅宮內的嘅店「神椿」都可以食得到。發售期間仲會推出兩款獨家設計嘅餐墊紙，可愛到要融化！

店舖資訊

• 店名：SHISEDO PARLOUR
• 官方網站：https://parlour.shiseido.co.jp/shoplist/
• ※地址與營業時間，請依各店鋪為準

【反斗奇兵】全日本第一家「Mr.Potato Head」主題咖啡館

PIXAR動畫《玩具總動員》中嘅靈魂人物「薯蛋頭先生」主題Cafe，喺東京澀谷開張啦！1952年於美國誕生嘅薯蛋頭先生，唔單止人氣紅一直不衰，仲係動畫電影裡不可欠缺嘅重要角色。首次登日就推出左4種獨家菜色同8款全新飲品，非常有誠意！福笑咖哩飯、HI! CHEESE芝士漢堡、新鮮炸薯仔片棒、雪糕薯條等，全部菜式都可以睇到薯蛋頭先生嘅有趣身影，唔駛飛到美國咁遠，嚟澀谷就食到啦！

薯蛋頭先生主題CAFE，由2019年6月29日(六)至7月28日(日)，喺澀谷MODI七樓嘅Sweet Paradise期間限定營業中，只有一個月時間，想試嘅話就要快手啦！剛好夏天要嚟東京旅行嘅朋友，就千祈唔好錯過呢個千載難逢嘅好機會，快啲嚟見下薯蛋頭先生啦！

店舖資訊

• 店名：薯蛋頭先生主題Cafe（澀谷modi Sweet Paradise）
• 地址：東京都澀谷區神南1-21-3 澀谷modi 7F
• 活動期間：2019年6月29日（六）～7月28日（日）
• 營業時間：11:00～21:00（最後點餐時間20:00）
• 官方網站：https://www.sweets-paradise.jp/collaboration/2019/06/9045/

【櫻桃小丸子】動畫誕生30週年 永遠經典

日本國民漫畫「櫻桃小丸子」，自1990年1月製成動畫開播以來即將屆滿30週年，童年同青春嘅記憶裡，相信大家都會有過小丸子活潑可愛嘅身影。為左感謝陪伴我地一整個世代嘅小丸子，來自美國嘅人氣雪糕店「Hobson’s」推出左特別企劃，將人氣角色化身成特色甜品，帶大家一齊回味兒時記憶嘅點點滴滴。

4月27日（六）第一彈以小丸子最喜歡嘅布甸做主角，布甸味雪糕再淋上甜焦糖，上面仲要再加彩色朱古力脆脆、擠埋忌廉，仲配埋「櫻桃」裝飾。7月1日（一）開始第二彈，花輪同學登場，玫瑰口味嘅雪糕加上金箔，仲用埋食用玫瑰花點綴，好似花輪同學咁華麗，令呢兩小無猜嘅友誼瞬間變得很浪漫！係活動限定期間，買佢地嘅雪糕仲要送送原創吊飾，而且仲有店舖限定嘅獨家紀念品可以買。

店舖資訊

• 活動期間：2019年4月27日（六）～9月1日（日）
• 東京分店名單：http://www.hobsons-icecream.com/store/?ca=2
• ※部分店鋪可能未提供Crossover商品，詳細地址同營業時間，請依各店鋪為準

【小飛俠阿童木】ATOM堂本舖 再掀懷舊復古熱潮

「小飛俠阿童木」出自於漫畫之神手塚治虫之手，自1964年問世以來受到世界各地漫畫迷注目。而家無論你係手塚迷定係阿童木粉絲，嚟到東京淺草又多左一個新去處啦！「ATOM堂本舖」於2019年7月5日（五）全新開幕，除左有小飛木阿童木嘅限定商品之外，仲有主題Cafe，預計將會再度掀起一股小飛俠阿童木嘅熱潮！

ATOM本舖打造和風嘅用餐空間，同淺草嘅下町風情互相呼應，牆壁上掛滿左阿童木嘅裝飾，散發住懷舊復古嘅氣氛。係呢到可以點杯有阿童木嘅咖啡、鬆餅或者Tiramisu，店內仲有免費WIFI，等你可以一邊睇中、英、日…等8國語言嘅漫畫，同小飛夾阿童木一齊一起享受個休閒嘅晏晝！帶埋爸爸媽媽嚟朝聖都仲得。

店舖資訊

• 店名：ATOM堂本舗TEZUKA OSAMU SHOP＆CAFE
• 地址：東京都台東區淺草2丁目7番13号
• 營業時間：10:00～19:00（最後點餐時間18:30）
• 官方網站：https://atom-do-honpo.jp/