『miffy』日本郵局限定商品登場！今年夏天就同清爽Miffy一齊去玩啦！

2019年7月5日（五）起，日本全國約4,000間郵局開始發售『郵局限定miffy原創週邊商品』。以miffy、大象、小花、蘋果等圖案做設計，係非常適合夏天嘅清爽風格週邊商品！

每次推出都相當受歡迎，搶手熱賣嘅miffy兔原創商品，今年推出輕快明亮嘅設計，以清爽嘅白色為基調，可愛得嚟唔會太小朋友，係大人細路都啱嘅實用商品。

今次推出左購物袋同埋零錢包等，好適合陽光普照時帶出街嘅4款商品。每一款都只有限定數量，如果暑假去日本旅行嘅朋友，就記得去附近郵局搵下有無貨.

刺繡購物袋

使用白色帆布為底，搭配黃色同綠色刺繡，清爽可愛嘅購物袋。裡布都有miffy、大象、小花同蘋果圖案，而且仲有內袋。

有許多唔同格數，方面可以整理各式提款卡、信用卡、健保卡、身分證、存摺、護照等等，係個多功能嘅旅行證件包。出門旅遊時當然方便，但平日都可以用嚟整理好所需證件，唔怕帶漏野。

用左好軟好好摸嘅質地來造，搭配開口嘅方形零錢包，或者用嚟做化妝包。如果用細手袋話，呢個size就方便攜帶(大概手掌大細)。放潤唇膏或者鎖匙、耳機等，容易放係手袋入面搵唔到嘅細件野，都可以放喺呢個化妝包包入面整理好。

附可愛miffy嘅整理袋，入面有信封信紙嘅套裝，寄完信出去，留返個整理袋，就可以用嚟收藏保管遠方朋友寄嚟嘅信或者明信片。信紙共有２款，涼爽嘅的水藍色同溫柔風格嘅粉紅色，配合返季節同埋對像嚟揀唔同顏色嚟用都幾好。