長崎嘅浦上天主堂係位於以前天主教受到鎮壓地區嘅一座小山丘上。昭和20年（1945年）8月9日美軍喺長崎浦上地區投下原子彈，教堂位於原爆中心東北方500米處。原爆發生時，教堂建築及石雕像瞬間被摧毀，及後被修復。另外，嚟到浦上天主堂，都推薦參觀埋附近嘅和平公園。
浦上天主堂的沉重歷史
雖然受盡江戶幕府鎮壓，但堅忍及虔誠嘅天主教徒們從明治28年（1895年）起，共花咗30年嘅時間，一磚一瓦建造咗浦上天主堂。教堂雙塔高約26米，優美嘅外觀被譽為「東方最傑出磚造教堂」。然而，昭和20年（1945年）8月9日長崎被投下原子彈，爆炸處於距離教堂東北方僅500米處。原子彈爆炸嘅瞬間，教堂、司祭館、石雕像等幾乎全部被毀滅。
現時睇到嘅建築物係喺昭和34年（1959年）重建嘅。羅馬天主教教宗若望保祿二世喺1981年訪問浦上天主堂時，教堂已經復原成從前紅色磚造嘅樣貌。雖然目前只能喺門口附近觀看教堂內部，但仍然可以感受到教堂莊嚴肅穆嘅氣氛。
另外，可以留到夜晚欣賞教堂夜間點燈，感受充滿幻想般嘅氣氛。
到浦上天主堂感受核爆的可怕 上歷史一課
教堂內共有24片彩繪玻璃，上面繪有基督受洗、最後的晚餐等主題，紅色、藍色同黃色交織而成嘅美麗彩繪玻璃窗，照亮整個教堂大廳。
另外，由於鄰近二次大戰時投下原子彈嘅中心，教堂內有兩個遺跡可以讓人感受當時原爆嘅威力。首先係位於教堂正門，受原子彈轟炸嘅雕像。雕像被原爆放射出來嘅輻射波燒得焦黑，從鼻、手臂到手指都被炸毀，甚至連頭部都炸到唔見咗。
第二個係位於北側，被原子彈炸毀嘅鐘樓遺跡。呢個巨大嘅鐘樓，重達50公噸，喺原爆當時被核爆風暴嘅威力吹到教堂北側嘅河川裡。另外，仲有一啲遺跡，目前已被遷移到附近和平公園內嘅「長崎原爆資料館」中。
去浦上天主堂嘅交通方法
從JR長崎車站行到「長崎車站前站」路面電車站，坐開往赤迫嘅車，約15分鐘後喺平和公園落車步行約10分鐘。
另外仲可以喺「長崎車站前南口」巴士站乘搭長崎巴士30路線，開往「 COCOWALK 茂里町-大波止・戶町-川原公園前 川原公園前（經戶町）」，車程約10分鐘，於「浦上天主堂前」巴士站落車步行1分鐘。
景點資訊
- 名稱：浦上天主堂
- 地址：〒 852-8112 長崎縣長崎市本尾町1-79
- 交通方式：巴士站「浦上天主堂前」落車步行約1分鐘
- 語言對應：提供英文導覽手冊
- 入場費：免費
- 開放時間：09:00～17:00
- 固定休息日：沒有
備註：以上照片的拍攝與刊登，已獲得大司教區的許可。
Comments