從帶位到廚師都係機械人！？豪斯登堡「奇特餐廳ROBOT」

奇特餐廳ROBOT係位於豪斯登堡內，由機械人作為店員，為客人服務嘅餐廳。餐廳內有負責料理、接待客人嘅機械人。係相當罕見嘅餐廳型態，嚟到呢度一定可以留下珍貴嘅體驗同回憶㗎！

關於奇特餐廳ROBOT

奇特餐廳ROBOT以200年後嘅自助式餐廳作為概念，由人類同各種機械人一齊提供服務。店內嘅色調主要係藍色燈光，一大片奇幻嘅空間，都能讓人聯想到未來。

餐廳內有約8種機械人，無論外觀同負責領域都有所不同。例如，有啲機械人係負責帶位、有啲係負責接待客人，亦有啲負責製作餐點同飲料，都係由奇特嘅機械人負責㗎。

當中，要同大家介紹負責製作餐點嘅機械人們。「Andrew」負責製作大阪燒、負責炒飯等炒物嘅係「R」、調製雞尾酒嘅係「Daniel」等等，即叫即整嘅情景，都好有娛樂性同話題性呀！如果有機會嚟到嘅話，仲可以比較一下由機械人製作嘅料理，同人類製作嘅，邊個好食啲！

用餐採取自助餐形式，所以只要你胃口夠大，就可以將餐廳內各式各樣嘅美食通通試唒！餐點從沙律、三文治等輕食，到出自機械人之手嘅大阪燒同炒飯都有，仲有自製甜品添，種類豐富菜色齊全！

用餐時間分為兩個時段，午餐從11點至15點；晚餐則係從17點至21點。星期五同星期六嘅晚餐時間延長至21點30分。

可事前預約，預約僅可從豪斯登堡官方網站。

午餐價格：成人/1,980円(12歲及以上)、6歲至11歲/1,200円、4歲至5歲/500円

晚餐價格：成人/2,980円(12歲及以上)、6歲至11歲/2,100円、4歲至5歲/600円

※4歲以下免費

奇特餐廳ROBOT坐落於豪斯登堡園區內嘅娛樂設施城。要去奇特餐廳ROBOT食飯，首先去JR長崎站搭快速電車，約1個半鐘就可以到最近嘅車站，JR豪斯登堡站。從車站步行約5分鐘就到餐廳。