介紹豪斯登堡酒店介紹助你揀啱自己心水酒店

位於九州長崎縣佐世保市，有日本面積最大嘅主題樂園「豪斯登堡」，除咗各式各樣體驗型嘅遊樂設施，仲可以欣賞四季不同花卉景色。想喺豪斯登堡樂園內玩得盡興，非常推薦喺度停留一晚。以下為你介紹豪斯登堡四間精選嘅推薦飯店。

1. 奢華古典歐風「豪斯登堡歐洲酒店」

豪斯登堡歐洲酒店係豪斯登堡官方、充滿古典氛圍嘅高級酒店。從客房、大廳、酒吧到休閒室嘅裝潢，都充滿古典歐洲風情。

酒店內附設嘅三間餐廳，可以品嚐採用九州當地食材製成嘅美味佳餚，有法式、日式同鐵板燒等唔同風格美食。另外，仲可以體驗歐洲酒店獨有嘅特色服務，例如喺小船上辦理入住手續、欣賞喺休閒室或餐廳舉行嘅音樂會等。

「豪斯登堡阿姆斯特丹酒店」係豪斯登堡官方酒店中，唯一一間位於園區裏面。酒店地理位置優越，位於豪斯登堡園區中央位置，去園區各處都好方便。

阿姆斯特丹酒店嘅客房面積寬敞，面積達45平方米，從客房可以眺望園區內嘅街景、酒店前嘅廣場公園、有遊艇停泊嘅海港景色，諗起都覺得浪漫呀！

被美麗森林同幽靜湖泊所圍繞嘅「豪斯登堡森林别墅酒店」都係豪斯登堡嘅官方酒店之一。客房係獨立兩層嘅別墅型小屋，內有私人露台。一樓係寬敞嘅客廳，二樓有兩間獨立套房。可以喺私人空間中優閒渡過。

另外，酒店範圍內，有一間充滿開放感嘅餐廳「Trottiner」，可以品嚐到採用當地新鮮食材製作嘅美味佳餚。

「豪斯登堡海茵娜酒店（奇特酒店）」係世界上第一間採用機器人擔任工作人員嘅酒店。從入住手續到退房手續，都由識多國語言嘅機器人為你服務。

客房裝潢以白色為基調，營造出明亮嘅空間；出入房間係使用臉部辨識系統。嘩！好先進呀！另外，酒店內各式設施齊全，從自助餐餐廳、咖啡店、酒吧等餐飲空間，到VR（虛擬實境）遊戲室、卡拉OK等娛樂設備都有。