心動必去6大精選景點!參加WMG絕不能錯過好體驗

「World Masters Games（WMG）2021關西」只要年滿三十歲以上嘅運動愛好者皆能參加嘅國際綜合體育大型比賽。熱血比賽之餘順便再來一趟關西之旅「一舉兩得」亦係WMG2021嘅魅力之一。心動必去6大景點精選。

心動景點①「日本三大古湯」之一「有馬溫泉」、舒緩運動肌肉疲勞

提起日本溫泉當然不得不提「日本三大古湯」之一、位於兵庫---「有馬溫泉」。其中金之湯「金泉」據說能夠改善手腳冰冷肌肉痠痛關節痛以及促進血液循環等等多種功效。「World Masters Games 2021關西」選手們仲可以順便去浸一浸舒緩一下運動激烈過後嘅疲勞呀喂。

溫泉初體驗也不怕!可以選擇獨立個室湯屋就可以浸得安心鬆得放心。有部分設施場地能夠租借浸溫泉用嘅泳裝。一定要趁此機會、好好體驗一下日本溫泉文化啦。

大阪「海遊館」榮獲TripAdvisor評選為「亞洲第一水族館」、規模亦屬於世界級水族館水平。館內規模最大嘅亮點莫過於「太平洋水槽」、其巨大水槽與生態特色令人目不暇給。巨大的水槽宛如一望無際嘅大海、望住裡頭巨大卻又無比溫柔嘅鯨鯊、既療癒身心亦舒緩比賽緊張嘅情緒。

海遊館「夜間星光票」、呈現與白天不同嘅夢幻「夜間海遊館」。彷如置身夜間海洋所呈現嘅浪漫、視覺饗宴氛圍中。於浪漫氣氛中欣賞晚間各種魚類姿態、對於想要好好享受水族館浪漫氣氛嘅你們或是白天要參加比賽嘅WMG選手們最適合不過。

「近江八幡的水鄉」、滋賀縣観光必去景點、飽覽日本古式古香嘅景色風貌！無論係農田山林村莊部落嘅雅緻和風美景到國家重要文化景觀、皆是都市人不常接觸嘅珍貴田園生活與自然環境。「近江八幡」以水鄉之都聞名、象徵水鄉澤國嘅蘆葦生長茂密、為水畔風光增添不少色彩。

「水鄉巡禮」---自古以來的日本享樂方式之一、乘坐屋形船穿梭於蘆葦之間懷舊非常、有機會去乘坐體驗感受過往嘅懷舊水鄉風情吧！「近江八幡的水鄉」亦係人氣外景拍攝地、日本時代劇和日劇都曾於此取景。去日本威尼斯「近江八幡的水鄉」來一個寧靜秀美嘅水鄉巡禮之旅吧！

京都寺廟眾多、可謂最能感受日本文化嘅首選之地。當中、特別嚴選出來係「龍安寺」石庭。凝聚了日本庭園技術、獲得高度藝術評價嘅同時、秘藏無數神秘之謎、係「龍安寺」石庭嘅一大魅力。

出走關西、暫離高樓煩囂時、何不試試於石庭旁坐禪（ZEN）、集中精神試試冥想放空一番刻?或許能暫別煩囂、亦有助WMG選手們比賽前凝心聚神、做足出賽前準備。趁著熱鬧比賽空檔、去感受這個象徵寧靜嘅景點吧。

講到奈良、第一時間諗起就係奈良公園吧！公園內散步走訪各大充滿日式風味的景點、同可愛得意小鹿們互動、參拜春日大社和東大寺等知名觀光景點等行程滿載、係奈良公園為何如此經典、吸引無數人造訪嘅原因。

奈良---日本最古老嘅古都之一、擁有豐富嘅歷史。歷經時代變遷而傳承下來的木造建築及大佛、近距離欣賞世界遺產的美麗、其規模可謂震撼人心。如此經典嘅景點、需要多花點時間好好地仔細欣賞、不妨趁此機會、去奈良感受一番吧。

位於和歌山嘅吉野熊野國立公園「橋杭岩」、岩石成規律排列和蔚藍大海構成一幅奇幻景色、係一個相當受歡迎嘅景點。弘法大師（空海）傳說中登場過嘅橋杭岩、欣賞自古至今未曾改變過嘅海景、乃其魅力所在之一。最特別係日出之時、呈現截然不同嘅景色、天空與大海嘅變化、交織出嘅畫作、讓人細細感受到時間嘅流動。

或許WMG會成為你人生中一段難忘回憶、於運動盛事中擔任演出角色、於比賽空檔時順便去觀光旅遊。參加「World Masters Games 2021關西」既可觀光又可參賽。關西地區迷人景點無數、眼睛去旅行之餘不妨親身來感受一下。感受那日本令人著迷嘅美麗。

「World Masters Games 2021關西」官方網站⇒https://wmg2021.jp/en/