仲記唔記得2018年曾推出過「獺祭×島耕作」嘅聯名限量款呢？當時日本西部發生嚴重暴雨災情，「獺祭」嘅釀造商「旭酒造」亦受害，因為暴雨停電，導致喺發酵過程中品質未達「獺祭」上市嘅完美標準。但仍達純米大吟釀嘅等級，所以最後以低價限量發售，加上同係山口縣出身嘅知名日本漫畫家—弘兼憲史嘅加持下，推出「獺祭×島耕作」嘅聯名限量款！造成一股搶購風潮！
平成時代結束，邁入令和時代嘅今年，「獺祭×島耕作」將再次推出聯名酒款「島耕作令和紀念版」，主推係喺令和第一日嘅5月1號上槽榨酒嘅「獺祭三割九分」，5月23日（星期四）上市，限量1萬枝。上次買唔到嘅你，千祈唔好錯過今次嘅機會喇！
【商品情報】
- 商品名稱：「獺祭 純米大吟醸 磨之三割九分 島耕作 令和紀念版」
- 售價：2,494円（含稅）
- 容量：720ml
- 發售日：5月23日(星期四)
- 銷售地點：日本全國獺祭正規銷售店鋪、獺祭STORE、旭酒造網路商店（※限量1萬枝，售完即止）
Comments