喂喂喂！迪士尼公主迷請注意！迪士尼又要嚟放火燒大家嘅荷包啦！呢次瞄準即將喺5月23號上映嘅《阿拉丁》真人版歌舞電影，日本迪士尼使用1992年都曾由自家推出嘅同名動畫入面嘅人物為設計元素，俾大家可以盡情收藏不同風格嘅阿拉丁（Aladdin）、茉莉公主（Jasmine）或者係最最古靈精怪嘅精靈（Genie）呢～
2019迪士尼《阿拉丁》週邊商品特輯
唔單只發售印有原版動畫圖像嘅商品，迪士尼仲將《阿拉丁》入面嘅人物同自家其他明星角色合體！華麗同精緻程度保證令所有人少～女～心～大～爆～發～！❤
1. 東方茉莉「Oriental Jasmine」
如果你自認係超級公主迷嘅話，咁呢個系列絕對會係你嘅心頭好！以茉莉公主為主角，製作出帆布袋、竹編袋、耳環髮飾、寢具用品等女生愛嘅物件。設計上以米色、水藍色為主要基調，最後再以金色裝飾點綴，充滿典雅高貴嘅氣息！如果將成set搬返屋企嘅話，簡直係好似瞬間置身喺電影中茉莉公主住嘅皇宮寢室入面咁呀！！>///<
小編超中意呢個神燈收納盒！！！仿造動畫裡出現嘅神燈，水藍色嘅大理石波紋令整體睇起嚟超有質感，裡頭可以放一啲小物品例如耳環、戒指，最可愛嘅就係隨「燈」附上嘅精靈吊飾，擺入盒入面就好似真係養咗隻神燈精靈咁吖～
2. 大學熊UniBEARsity×阿拉丁
除咗Duffy之外，大學熊（UniBEARsity）都係東京迪士尼入面超人氣角色，呢次佢哋化身成《阿拉丁》入面嘅人物，毛茸茸嘅外表令人忍唔住想攬實佢！腳上精緻細密嘅LOGO縫布貼，令公仔嘅質感即刻Level Up！集齊一套嘅話就好似可以直接喺屋企演一部大學熊版嘅《阿拉丁》咁！（嗯？）
睇吓佢嗰對無辜又水汪汪嘅大眼睛！眼神之間彷彿透露一啲訊息：「快啲帶我返屋企啦～可愛嘅主人♥」
3. Laline×阿拉丁
知道公主迷們需要隨時隨地保持靚靚嘅狀態，迪士尼特別同以色列香氛護膚品牌Laline合作，推出多款護膚產品，例如身體芳香噴霧、hand cream、去角質磨砂膏。淨係睇包裝都引死人啦！粉嫩嘅色調，啱晒初夏時分花朵盛開嘅青春氣息，隔著螢幕似乎都聞得到花朵迷人嘅清新香味啊～
同場加映：茉莉嘅頸鍊
網路商店限定商品！小編第一眼睇到咁精緻嘅頸鍊實在係睇到我O晒咀！小巧嘅神燈造型上鑲嵌著紫色、粉色、銀色嘅人工鑽石，睇到我離開唔到視線呀！印有茉莉公主圖像嘅外裝紙盒設計又咁精美，超級加分！不知幾想有個真命天子阿拉丁可以將呢條鍊掛喺我條頸上呢！（嗯？FF (幻想) 太多了吧！）
除咗小編精選介紹嘅幾樣商品之外，官網仲有更多精美嘅商品等著大家發掘啊～呢一堆《阿拉丁》週邊商品特輯已於5月14日（二）朝早10點喺迪士尼線上商店發售，鍾意嘅朋友們快手搶搶搶啦！※實體店將於5月21日（二）陸續上架販售
Source：Disney Online Store
© 妞新聞 www.niusnews.com
Comments