去箱根溫泉旅館享用美食，食餐好嘅！

箱根內有各式餐廳提供多元化嘅料理，每一道料理都係經由大廚精心泡製，令人回味無窮。今次小編就要為大家介紹一系列位於箱根嘅美食餐廳。

沉浸於美術鑑賞嘅餘韻，一於喺箱根搵間餐廳悠閒地休息一下

箱根大部分美術館都被自然環繞，猶如融入景色之中。一於喺館內餐廳用餐，感受藝術世界嘅同時享用一流美食。

箱根LALIQUE美術館内嘅餐廳「Café LYS」 

LYS係箱根LALIQUE美術館內嘅法國料理餐廳。以落地玻璃採自然光，露天茶座可以眺望仙石原景色。提供以當地食材所製成料理，例如Yamayuri牛（日文：やまゆり牛）嘅牛肉片同新鮮魚類製成魚生片等都非常美味。

餐廳資訊

• 餐廳名稱：LYS
• 地址：神奈川縣足柄下郡箱根町仙石原186番1
• 交通方式：於箱根湯本站乘搭箱根登山巴士約30分鐘，於仙石案内所前巴士站落車即抵達
• 可否使用信用卡： 可以
• 営業時間：早餐時段09:00～10:00（LAST ORDER），午餐時段11:30～16:00（LAST ORDER）

款待到箱根嘅貴賓去享用法國美食

箱根以前係用嚟迎接外國賓客嘅地方，因此坐立多間正宗法國料理餐廳。另外亦係日本首間Auberge建成嘅地區。

日本首間附設住宿嘅餐廳！可以欣賞美景同時品嚐美食嘅「auberge AU MIRADOR」

箱根auberge Au Mirador係日本首間Auberge（附設住宿設施嘅餐廳）。當然淨係用餐唔住宿都無問題。由名廚以當地食材精心泡製嘅料理，味道非常講究，堪稱藝術品。令你可以喺箱根度過一個奢華時光嘅美食餐廳。

餐廳資訊

• 餐廳名稱: auberge AU MIRADOR
• 地址：神奈川縣足柄下郡箱根町元箱根159-15
  
• 交通方式：
• 於箱根湯本站乘搭箱根登山巴士約40分鐘，於桃源台巴士站落車乘搭的士約3分鐘即抵達，或
• 於箱根湯本站乘搭伊豆箱根巴士約40分，於湖尻三差路巴士站或大石下巴士站落車即抵達
• 可否使用信用卡： 可以
• 營業時間：午餐時段11:40～14:00（LAST ORDER）、晚餐時段17:30～21:00（LAST ORDER）

以新鮮撈獲嘅魚類用嚟做手握壽司嘅箱根餐廳

箱根隔離嘅小田原市面向相模灣。因此可以朝早新鮮撈獲嘅魚類用嚟做手握壽司。

以新鮮魚類以及卓越嘅手藝精心製作！創業70年嘅箱根餐廳「やまひこ鮨」 

「やまひこ鮨」嘅魅力在於用料為相模灣撈獲嘅新鮮魚類，由擁有40年以上經驗嘅大廚為你精心泡製料理。尤其以色彩絢麗嘅海鮮丼以及以朝早撈獲嘅新鮮魚類所製成嘅手握壽司「やまひこにぎり」最受歡迎。

餐廳資訊

• 餐廳名稱：やまひこ鮨
• 地址：神奈川縣足柄下郡箱根町宮城野635
• 交通方式：於箱根湯本站乘搭箱根登山巴士約17分鐘，於宮城野站落車徒歩約1分鐘
• 可否使用信用卡：午餐時段不可
• 營業時間：午餐時段為11:30～13:30（LAST ORDER）、晚餐時段為17:00～20:30（LAST ORDER）

一邊眺望箱根美景一邊享用美食料理

被豐富嘅自然環繞嘅箱根，有好多間餐廳都可以邊欣賞風景邊享用美食。特別以可以眺望富士山嘅蘆之湖畔為最受歡迎嘅地區之一。

位於箱根蘆之湖畔嘅意大利餐廳「La TERRAZZA 蘆之湖」

「La TERRAZZA 蘆之湖」係一間可以眺望蘆之湖優美景色嘅意大利餐廳。以意大利運過嚟嘅石製爐製作正宗嘅Pizza。另外，仲有以從漁港撈獲嘅新鮮魚類以及以當地蔬菜所製作嘅菜餚，紅酒，芝士等意大利美食料理。

餐廳資訊

• 餐廳名稱：La TERRAZZA 蘆之湖（ラ・テラッツァ 芦ノ湖）
• 地址：神奈川縣箱根町元箱根61
• 交通方式：於箱根湯本站乘搭箱根登山巴士約40分鐘、於箱根神社入口落車徒歩1分鐘
• 可否使用信用卡： 可以
• 営業時間： 早餐時段為08:00～11:00、午餐時段為11:00～15:30、下午茶時段：15:30～17:00、晚餐時段為：17:00～20:00

滿足五感官！箱根酒店內附設嘅餐廳

箱根多間酒店均附設餐廳。而且每一間嘅大廚都有功架，為客人精心泡製出每一道箱根美食。

箱根蘆之湖皇家王子大飯店內嘅餐廳「LAKE SIDE GRILL」

「LAKE SIDE GRILL」係一間位於箱根蘆之湖皇家王子大飯店入面嘅餐廳。可以享用以當地食材製成嘅西式，日式以及中式等各種料理等。係從明治、大正時代開始作為迎接外國賓客，非常有箱根色彩嘅餐廳，非常地道。

餐廳資訊

• 餐廳名稱：LAKE SIDE GRILL
• 地址：神奈川縣足柄下郡箱根町元箱根144王子大酒店箱根別館1樓
• 交通方式：從箱根湯本站乘搭伊豆箱根巴士約1小時5分鐘至箱根園落車即抵達
• 可否使用信用卡： 可以
• 営業時間：早 07:00 ～ 10:00（09:30 LAST ORDER）、午 11:30 ～ 14:30（14:00 LAST ORDER）、晚 17:30 ／ 19:30