位於北鎌倉嘅圓覺寺，屬於臨濟宗圓覺寺派嘅主要寺廟。作為夏目漱石著作嘅小説「門」以及獲得諾貝爾文學賞嘅川端康成著作嘅「千羽鶴」等，多部文學作品嘅背景舞台。初春有梅花，春天有櫻花，梅雨季有繡球花，秋天有紅葉等，四季應時嘅花朵盛開，吸引眾多旅客到訪。
關於圓覺寺
創建於弘安5年（1282年）嘅圓覺寺。由鎌倉幕府第8代掌權者—北條時宗為悼念元日戰爭中犧牲嘅戰士而建造，遨請咗宋朝嘅禪師，無學祖元建立圓覺寺並成為開山祖師。
圓覺寺內安放咗國寶舎利殿、洪鐘、木造無學祖元坐像、阿彌陀三尊像銅像等，擁有眾多各式具歷史價值嘅文化財產。以上雖然都係非公開嘅展品，但喺11月3日起都會舉行3日名叫「寶物風入」嘅展覽會（根據時期可能不作全部公開，詳情請參考官網）。圓覺寺範圍廣闊，整個寺院內都被定為國家史跡，有好多值得一睇嘅文物，建議預多啲時間嚟參觀呀！
圓覺寺嘅特色
兩層總共八個角嘅正門於天明5年（1785年）由禪僧大用國師重建。周圍林立著綠色杉木，滲透出一種莊嚴嘅氣氛。呢度亦係夏目漱石嘅「門」、川端康成嘅「千羽鶴」等小說名作嘅背景舞台。
擺設於堂內嘅本尊寶寇釋迦如來像為佛殿嘅一大特色。天花板畫有巨大白龍，其有3個爪，象徵掌控天、地、海三界。
於室町時代創建嘅舎利殿，係喺鎌倉唯一一棟被指定為國寶嘅建築物。單層，歇山式屋頂（九脊頂），杮葺（以薄木板鋪蓋屋頂之建築法）嘅典型唐代禪宗建築，由於寺廟內有修行堂所以唔公開。
另外，爬上院內東面嘅石階後嘅洪鐘亦被定為國寶。約259.5厘米高，係關東地區中最大嘅鐘。據聞係北條時宗嘅仔，貞時為祈求國泰民安而捐贈。
圓覺寺內應時嘅花朵
秋天紅葉風景一流！寬廣嘅圓覺寺到處都可以欣賞到銀杏同楓葉。特別推薦大門內居士林前，妙香池附近嘅紅葉，同埋連接塔頭嘅續燈庵嘅參道兩旁嘅銀杏樹都好靚㗎！
另外喺4月中至底，於黄梅院前對出嘅坂道綻放嘅棣棠花，同6月中至底綻放嘅繡球花都係一大特色。
景點資訊
- 景點名稱：圓覺寺（日文：円覚寺）
- 地址：神奈川縣鎌倉市山之内409
- 交通方式：
- 從JR橫須賀線「北鎌倉」站徒歩約1分鐘，
- 乘搭巴士嘅話，於JR「鎌倉」站乘搭「往大船站」，「往上大岡站」或「往本郷台站」嘅江之電巴士約10分鐘，於「北鎌倉」巴士站落車，徒歩約1分鐘抵達
- 票價：300円
- 開放時間: 3月〜11月：08:00〜16:30、12月〜2月：08:00〜16:00
- 休息日：全年無休
Comments