長安寺箱根少數賞楓名勝

長安寺位於箱根，係首屈一指嘅賞楓名勝景點。另外，寺內遍佈各式各樣被稱為五百羅漢嘅佛像而聞名。附近有箱根出名嘅溫泉地「仙石原温泉」，嚟到附近嘅話唔好錯過啦！

關於長安寺

長安寺創建於1356年，於1658年被移至仙石原，係一座具有歷史嘅寺廟。境内設有創建當時嘅本堂、鐘樓同地蔵堂。另外，仲可以鑑賞到紅葉以及各式各樣嘅花草樹木，繁花盛開嘅景色，被選為「東國花之寺百選」之一。長安寺可以隨時自由進出。拜訪時間唔受限制，亦可以免費入場。

長安寺嘅特色為五百羅漢同埋秋季楓葉。係長安寺特色風景，非常值得一看。除此之外，仲可以參觀本堂、豊川稻荷、辯財天、辯天池等等，行幾多轉都唔會厭呀！

院內遍佈各式各樣被稱為五百羅漢嘅佛像。五百羅漢係指釋迦摩尼去世後聚集嘅500名弟子。全部佛像都刻有喜怒哀樂嘅豐富表情，同各式各樣嘅姿態，例如有飲緊酒，鞠躬行緊禮，射緊箭等各種姿態。一邊於院內散步，一邊欣賞各式各樣嘅佛像肯定好有趣吖！另外，佛像嘅數量唔單止有500尊，現今仍持續製作中。

每逢秋天，院內嘅紅葉同銀杏就會變得絢麗奪目，可以一覽紅葉美景。觀賞期間為11月頭至11月中。另外，屹立於紅葉之間嘅五百羅漢佛像，係秋天獨有嘅景色。浮於弁天池水面嘅落葉亦構造成一幅別緻嘅美景。

長安寺內有各式各樣象徵日本之秋嘅景點。如果紅葉季會到訪長安寺嘅話，一定要影番多啲靚相！

從箱根湯本站乘搭箱根登山巴士約25分鐘至「仙石」。落車後徒歩約1分鐘抵達長安寺。