箱根關所為江戶時代交通歷史當中好重要嘅遺跡之一。可以眺望神奈川縣蘆之湖畔，風景非常優美。關所即係指當時主要交通街道中嘅重要之處。箱根關所由設立至今經過約140年，現使用咗江戶時代嘅技術同工具得以將原貌修復。重現當時江戶時代嘅風景，猶如置身古代，係箱根中旅遊中非常推薦嘅一個瀰漫著古代歷史感嘅觀光景點。
於箱根關所資料館感受歷史
關所於江戸時代以監視目的而建造。箱根關所連接江戸（現今嘅東京）、京都、大阪主要幹線街道（東海道），當時熙來攘往，非常聞名。於1869年被棄用而建築亦被受到破壞。但遺址被列為國家歷史遺跡，其後開始復原工程，於2007年完全得以復原。唔只建築物，就連當時嘅擺設，武器等等全部一一復原。甚至仲放置咗真人大小嘅人偶，呈現當時嘅工作模樣，令大家可以感受關所當時嘅氣氛。另外，附近設有箱根關所資料館，可以俾大家有機會更加詳細了解箱根關所嘅歷史。
箱根關所之看點
箱根關所係日本唯一被完全修復嘅關所。值得關注嘅係，當時係以江戶時代嘅技術同工具將其復原。呈現江戶時代嘅真實情景，讓大家猶如置身於其中。大番所（衙門）為核心地嘅主要建築之一，喺歷史上起到重要嘅作用，威風凜凜嘅模樣是為看點。大門以傳統嘅技術建造，呈現當時熙來攘往嘅情景。另外仲設有監牢等有趣嘅景點。
箱根關所之開館時間
開館時間為09:00至17:00（入場截止時間為閉館前30分鐘）。12月至2月期間於16:30閉館。參觀費用為大人500円（65歳或以上 400円）、小童250円 。於星期六、日、日本公眾假期參觀時中、小學生免費入場。
去箱根關所嘅交通方法
從小田原站乘搭「往箱根町港方向」嘅巴士（約55分鐘）至「箱根關所跡」落車徒歩2分鐘，從箱根湯本站亦可以乘搭巴士出發抵達。
景點資訊
- 景點名稱：箱根關所
- 地址：神奈川縣足柄下郡箱根町箱根1番地
- 交通方式：從小田原站乘搭「往箱根町港方向」嘅巴士（約55分鐘）至「箱根關所跡」落車徒歩2分鐘
- 可否使用Wi-Fi：不可以
- 支援語言：僅限日文
- 購票方式：當地售票處
- 可否使用信用卡：不支援
Comments